ચીનના વુહાનમાં ફરી નોંધાયા કોરોનાના નવા કેસ, લાખો લોકો પર લાગ્યા પ્રતિબંધો

Jiangxiaમાં કોરોનાના ચાર કેસ નોંધાયા છે. જે બાદ આ નિર્ણય લેવામાં આવ્યો છે.

ફોટોઃ PTI

ચીનના વુહાનમાં ફરી એકવાર કોરોનાના કેસ નોંધાયા છે.  10 લાખની વસ્તીવાળા જિયાંગ્ઝિયા (Jiangxia) જિલ્લામાં શટડાઉન કરવામાં આવ્યું છે. ચીનનના વુહાન શહેરમાં વિશ્વમાં કોરોનાનો પહેલો કેસ નોંધાયો હતો. તે પછી અહીથી કોરોના આખી દુનિયામાં ફેલાયો હતો. અહીંના બાર, સિનેમા હોલ અને કાફે તમામ બંધ કરી દેવામાં આવ્યા છે.

Jiangxiaમાં કોરોનાના ચાર કેસ નોંધાયા છે. જે બાદ આ નિર્ણય લેવામાં આવ્યો છે. વહીવટીતંત્રના જણાવ્યા અનુસાર, Jiangxiaના શહેરી વિસ્તારમાં ત્રણ દિવસ માટે "અસ્થાયી નિયંત્રણ " લાગુ કરવામાં આવ્યા છે.

કોરોનાના કેસોને જોતા વહીવટીતંત્રે બાર, સિનેમાઘરો અને ઈન્ટરનેટ કાફે બંધ કરી દીધા છે. આ ઉપરાંત બજાર, રેસ્ટોરન્ટ પણ બંધ કરી દેવામાં આવ્યા છે. આ સાથે મોટા કાર્યક્રમો પર પણ પ્રતિબંધ લગાવી દેવામાં આવ્યો છે. તમામ ધાર્મિક સ્થળો બંધ કરી દેવામાં આવ્યા છે અને ધાર્મિક પ્રવૃત્તિઓ પર પણ પ્રતિબંધ લગાવી દેવામાં આવ્યો છે. આ સાથે શૈક્ષણિક સંસ્થાઓ પણ બંધ રાખવાનો નિર્ણય લેવામાં આવ્યો છે.

બસોથી લઈને તમામ પબ્લિક ટ્રાન્સપોર્ટ બંધ કરી દેવામાં આવ્યા છે. લોકોને શહેર ન છોડવાની સલાહ આપવામાં આવી છે. અધિકારીઓએ ચાર ઉચ્ચ જોખમવાળા વિસ્તારોની પણ ઓળખ કરી છે જ્યાં રહેવાસીઓને તેમના ઘર છોડવા પર પ્રતિબંધ મૂકવામાં આવ્યો છે.

વિશ્વનું પ્રથમ લોકડાઉન 2020ની શરૂઆતમાં ચીનના વુહાનમાં લાદવામાં આવ્યું હતું. આ અંતર્ગત લોકો બે મહિના સુધી ઘરની બહાર નીકળી શક્યા નથી. ચીનની સરકારે વુહાનને રોગચાળા સામેની લડતમાં સફળતાની કહાની તરીકે રજૂ કર્યું હતું. જ્યારે ઘણા એવા વીડિયો સામે આવ્યા હતા, જેના કારણે ચીન સરકાર પર નિશાન સાધવામાં આવ્યું હતું.