Coronavirus: વિશ્વમાં ફરી કોરોના વર્તાવશે કાળો કહેર! ચીન બાદ દક્ષિણ કોરિયામાં આવી લહેર, એક જ દિવસમાં 4 લાખ કેસ નોંધાતા ફફડાટ
Corona Update: કોરિયા ડિસીઝ કંટ્રોલ એન્ડ પ્રિવેન્શન એજન્સી (KDCA) એ બુધવારે જણાવ્યું હતું કે તાજા કેસ સાથે, દક્ષિણ કોરિયાનો કુલ કેસલોડ હવે વધીને 7,629,275 થઈ ગયો છે
south korea corona cases ભારતમાં કોરોનાના કેસ ભલે ઓછા નોંધાઈ રહ્યા હોય પણ વિશ્વમાં ચિત્ર અલગ જ છે. ચીન પછી, દક્ષિણ કોરિયા હવે તેના સૌથી ખરાબ COVID-19 પ્રકોપ સામનો કરી રહ્યું છે. બુધવારે દક્ષિણ કોરિયામાં ચેપના 400,000 થી વધુ કેસ નોંધાયા હતા.
દક્ષિણ કોરિયામાં કોરોનાનું લોકલ ટ્રાન્સમિશન શરૂ
દક્ષિણ કોરિયન મીડિયા અનુસાર, દેશમાં દૈનિક 4,00,741 નવા COVID-19 કેસ નોંધાયા છે, જે ગયા વર્ષે જાન્યુઆરીમાં દેશમાં તેનો પહેલો COVID-19 કેસ નોંધાયો ત્યારથી સૌથી વધુ છે. આમાંના મોટાભાગના સ્થાનિક ચેપના કિસ્સા નોંધાયા છે. એટલે કે દેશમાં કોરોનાનું લોકલ ટ્રાન્સમિશન શરૂ થઈ ગયું છે.
શું કહ્યું કોરિયા ડિસીઝ કંટ્રોલ એન્ડ પ્રિવેન્શન એજન્સીએ
કોરિયા ડિસીઝ કંટ્રોલ એન્ડ પ્રિવેન્શન એજન્સી (KDCA) એ બુધવારે જણાવ્યું હતું કે તાજા કેસ સાથે દક્ષિણ કોરિયાનો કુલ કેસલોડ હવે વધીને 7,629,275 થઈ ગયો છે. સમાચાર એજન્સી એસોસિએટેડ પ્રેસે અહેવાલ આપ્યો છે કે દક્ષિણ કોરિયામાં મંગળવારે રોગચાળાનો સૌથી ભયંકર દિવસ હતો, જેમાં 24 કલાકમાં 293 લોકોના મોત થયા હતા.
ચીન કોરોનાના ગંભીર સંકટનો સામનો કરી રહ્યું છે
ચીન કથિત રીતે તેના સૌથી ખરાબ COVID-19 પ્રકોપનો સામનો કરી રહ્યું છે, જેના કારણે લાખો લોકોને લોકડાઉન કરવાની ફરજ પડી છે. ચીનમાં બુધવારે 3,290 નવા COVID-19 કેસ નોંધાયા હતા. જેમાં 11 ગંભીર કેસ છે. ચીનમાં 2019 ના અંતમાં વુહાનમાં પ્રથમ કોરોના વાયરસનો કેસ નોંધાયો હતો, તેણે સત્તાવાર રીતે એક વર્ષથી વધુ સમયથી કોઈ કોવિડ-સંબંધિત મૃત્યુની જાણ કરી ન હોવાનો સમાચાર એજન્સી એએફપીએ અહેવાલ આપ્યો છે. કોવિડ-19ના અત્યંત ચેપી ઓમિક્રોન વેરિઅન્ટને ચીન અને દક્ષિણ કોરિયામાં કેસોમાં ઝડપથી વધારો થયો હોવાનું કહેવાય છે.
આ પણ વાંચોઃ
Coronavirus Cases Today: કોરોનાના નવા કેસમાં આજે 12 ટકાનો વધારો, સતત બીજા દિવસે વધ્યા કેસ
ટોપ સ્ટોરી
ટ્રેન્ડિંગ સમાચાર
