WWE સુપરસ્ટાર ‘ધ રોક’ પરિવાર સહિત થયો કોરોના સંક્રમિત, વીડિયો શેર કરીને જણાવી ફીલિંગ્સ

ડ્વેને કહ્યું, આ મારા જીવનની અત્યાર સુધીની સૌથી મુશ્કેલ અને પડકારજનક ઘટના છે.

‘ધ રોક’ના નામથી વિશ્વભરમાં જાણીતા ડબલ્યુ ડબલ્યુ ઈ સુપરસ્ટાર ડ્વેન જોનસન કોરોના વાયરસથી સંક્રમિત થયો છે. તેની સાથે પત્ની અને પુત્રીનો પણ કોરોના પોઝિટિવ આવ્યો છે. આ અંગેની જાણકારી 11 મિનિટ લાંબા ઈન્સ્ટાગ્રામ વીડિયો પોસ્ટમાં આપી છે. તેણે કહ્યું મારી પત્ની લોરેન અને 4 તથા 2 વર્ષની દીકરીઓ જેસ્મિન અને ટિયાના પણ વાયરસથી સંક્રમિત થઈ છે. ડ્વેને કહ્યું, આ મારા જીવનની અત્યાર સુધીની સૌથી મુશ્કેલ અને પડકારજનક ઘટના છે. તેણે કહ્યું, કોવિડ-19થી ઠીક થવું અન્ય કોઈ ગંભીર ઈજાથી અલગ છે. મારી પ્રથમ પ્રાથમિકતા મારા પરિવાર અને બાળકોને બચાવવાની છે. કદાચ, માત્ર હું જ કોરોના વાયરસથી સંક્રમિત થયો હોત. તેણે આગળ કહ્યું, મારો પૂરો પરિવાર સંક્રમિત થયો છે. અમે પરિવારના સભ્યો એકબીજાથી ઘણા દૂર છીએ અને વધારો લાંબા સમય સુધી સંક્રમિત નહીં રહી શકીએ.