Covid-19: અમેરિકાએ કર્યું કન્ફર્મ-ચીનની વુહાન લેબમાંથી આખી દુનિયામાં ફેલાયો કોરોના
અમેરિકન અખબાર વોલ સ્ટ્રીટ જનરલમાં પ્રકાશિત અહેવાલમાં આ માહિતી આપવામાં આવી છે
વોશિંગ્ટનઃ કોરોનાએ વિશ્વમાં ભયંકર તબાહી મચાવી હતી. શરૂઆતથી જ ચીન તેના મૂળને લઈને સવાલોથી ઘેરાયેલું છે. આ અંગે અનેક વખત નક્કર દાવા પણ કરવામાં આવ્યા હતા કે કોરોના વાયરસ ચીનની વુહાન લેબમાંથી બહાર આવ્યો હતો. અમેરિકા દ્વારા આ અંગે ઘણી ગુપ્ત માહિતી પણ શેર કરવામાં આવી છે. હવે અમેરિકાની ગુપ્તચર સંસ્થા ફેડરલ બ્યુરો ઓફ ઇન્વેસ્ટિગેશન (FBI) દ્વારા આ વાતની પુષ્ટી કરવામાં આવી છે.
#FBI Director Wray confirmed that the Bureau has assessed that the origins of the COVID-19 pandemic likely originated from a lab incident in Wuhan, China. pic.twitter.com/LcBVNU7vmO
— FBI (@FBI) March 1, 2023
એફબીઆઈના ડિરેક્ટર ક્રિસ્ટોફર રેએ પુષ્ટી કરી હતી કે બ્યૂરોએ મૂલ્યાંકન કર્યું છે કે કોવિડ-19 મહામારી ચીનના વુહાનમાં એક લેબમાંથી ઉદ્દભવ્યો છે. એફબીઆઈએ પણ આ અંગે એક ટ્વિટ કર્યું છે. દરમિયાન, યુએસ ડિપાર્ટમેન્ટ ઓફ એનર્જીએ પણ તેના એક અહેવાલમાં મજબૂત આશંકા વ્યક્ત કરી હતી કે કોવિડ -19 મહામારી પ્રયોગશાળામાં લીક થવાનું પરિણામ હોઈ શકે છે.
અમેરિકન અખબાર વોલ સ્ટ્રીટ જનરલમાં પ્રકાશિત અહેવાલમાં આ માહિતી આપવામાં આવી છે અને કહેવામાં આવ્યું છે કે આ આશંકા વ્હાઇટ હાઉસ અને યુએસ સંસદના અગ્રણી સભ્યોને સુપરત કરવામાં આવેલા ગુપ્તચર અહેવાલ (યુએસ ઇન્ટેલિજન્સ એજન્સી)માં વ્યક્ત કરવામાં આવી છે.
રિપોર્ટમાં એ વાતનો પણ ખુલાસો થયો હતો કે યુએસ ડિપાર્ટમેન્ટ ઓફ એનર્જીએ અગાઉ વાયરસની ઉત્પત્તિ અંગે ટિપ્પણી કરવાનો ઇનકાર કર્યો હતો. જો કે, હવે આ નવી માહિતી નેશનલ ઈન્ટેલિજન્સ એવરિલ હેન્સની ઓફિસ દ્વારા 2021ના દસ્તાવેજના અપડેટમાં આપવામાં આવી છે. ગુપ્તચર એજન્સી ફેડરલ બ્યુરો ઓફ ઇન્વેસ્ટિગેશન (FBI) એ પણ પુષ્ટી કરી છે કે કોરોનાની ઉત્પત્તિ ચીનના વુહાનમાં એક લેબમાંથી થઈ છે. આ લેબમાંથી નીકળેલા વાયરસે દુનિયામાં હાહાકાર મચાવી દીધો હતો.
US Report : અમેરિકા પાકિસ્તાન પર લાલઘુમ, ભારતના કર્યા બે મોઢે વખાણ
America Country Reports : અમેરિકાના બ્યુરો ઓફ કાઉન્ટર ટેરરિઝમના કન્ટ્રી રિપોર્ટ્સ ઓન ટેરરિઝમ 2021માં ભારત સરકારની ભારોભાર પ્રસંશા કરવામાં આવી છે. તો પાડોશી દેશ પાકિસ્તાનની આકરી ઝાટકણી કાઢવામાં આવી છે. અનુસાર ભારતમાં સરકારે આતંકવાદી સંગઠનોના ઓપરેશનને શોધી કાઢવા, તેને ખતમ કરવા માટે ઘણા મહત્વપૂર્ણ પગલાં લીધા છે.
અમેરિકાના આ રિપોર્ટમાં નક્કર પગલાં ન લેવા બદલ પાકિસ્તાનની ટીકા કરવામાં આવી છે. અહેવાલ મુજબ, 2021માં આતંકવાદની અસર કેન્દ્રશાસિત પ્રદેશ જમ્મુ અને કાશ્મીર, પૂર્વોત્તર રાજ્યો અને મધ્ય ભારતના ભાગોમાં થઈ હતી. લશ્કર-એ-તૈયબા, જૈશ-એ-મોહમ્મદ, હિઝબુલ મુજાહિદ્દીન, ISIS, અલ-કાયદા, જમાત-ઉલ-મુજાહિદ્દીન અને જમાત-ઉલ-મુજાહિદ્દીન બાંગ્લાદેશ ભારતમાં કાર્યરત આતંકવાદી જૂથો છે.
રિપોર્ટમાં કહેવામાં આવ્યું છે કે, 2021માં આતંકવાદીઓની રણનીતિમાં બદલાવ આવ્યો છે. તેણે નાગરિકો પરના હુમલાઓ અને એરફોર્સ બેઝ પર વિસ્ફોટક ડ્રોન હુમલા સહિત આઈઈડીના ઉપયોગ પર તેની નિર્ભરતા વધારી. ઓક્ટોબર 2021માં અમેરિકા, ભારતે કાઉન્ટર ટેરરિઝમ જોઈન્ટ વર્કિંગ ગ્રુપની 18મી બેઠક યોજી હતી. રિપોર્ટમાં કહેવામાં આવ્યું હતું કે, ભારત ખતરાને ઘટાડવા માટે આતંકવાદની તપાસ સંબંધિત માહિતી માટે અમેરિકી વિનંતીઓનો તરત જ જવાબ આપે છે
ટ્રેન્ડિંગ સમાચાર
ટોપ સ્ટોરી
