'પેલેસ્ટિનિયનો, ગાઝા ખાલી કરી દો નહીંતર...', ઇઝરાયેલી સેનાએ કેમ આપી લોકોને આવી ચેતવણી ?
IDF warns: ઇઝરાયેલી સંરક્ષણ પ્રધાન ઇઝરાયેલ કાત્ઝે શુક્રવારે (27 જૂન) ઇઝરાયલી સંરક્ષણ દળ (IDF) ના કર્મચારીઓ પરના હુમલાઓ અને પશ્ચિમ કાંઠે હિંસાની ગંભીર ઘટનાઓની સખત નિંદા કરી
IDF warns Palestinian in Central Gaza Strip: ઇઝરાયેલી સેના (IDF) ના અરબી પ્રવક્તાએ મધ્ય ગાઝા પટ્ટીના ઘણા ભાગોમાં રહેતા લોકોને ચેતવણી આપી છે. મધ્ય ગાઝા પટ્ટીથી ઇઝરાયેલ પર રોકેટ હુમલા બાદ ઇઝરાયેલી સેનાએ પેલેસ્ટિનિયનોને સમગ્ર વિસ્તાર ખાલી કરવા કહ્યું છે. IDF એ પેલેસ્ટિનિયનોને તે વિસ્તાર ખાલી કરીને દક્ષિણ તરફ જવા સૂચના આપી છે. કારણ કે ઇઝરાયલી સંરક્ષણ દળ (IDF) તે વિસ્તારમાં એક કાર્યવાહી કરવા જઈ રહ્યું છે.
ઇઝરાયેલી સેનાએ એક નિવેદન જાહેર કરીને કહ્યું કે, "આઈડીએફ આ સમગ્ર વિસ્તારમાં આતંકવાદી સંગઠનોની તમામ ક્ષમતાઓનો નાશ કરવા માટે જોરદાર હુમલા કરશે. આ ઉપરાંત, તે બધા વિસ્તારો પર પણ હુમલો કરવામાં આવશે, જેનો ઉપયોગ ઇઝરાયેલ પર રોકેટ છોડવા માટે કરવામાં આવશે."
ઇઝરાયેલી સંરક્ષણ પ્રધાને IDF પરના હુમલાઓની નિંદા કરી
ઇઝરાયેલી સંરક્ષણ પ્રધાન ઇઝરાયેલ કાત્ઝે શુક્રવારે (27 જૂન) ઇઝરાયલી સંરક્ષણ દળ (IDF) ના કર્મચારીઓ પરના હુમલાઓ અને પશ્ચિમ કાંઠે હિંસાની ગંભીર ઘટનાઓની સખત નિંદા કરી. કાફર મલિક ગામ નજીક ડઝનબંધ લોકોએ ઇઝરાયેલી સૈન્ય કર્મચારીઓ પર હુમલો કર્યો. ઇઝરાયલી સૈન્ય પર આ હુમલો તે વિસ્તારમાં પેલેસ્ટિનિયનો પર થયેલા હુમલાના થોડા દિવસો પછી કરવામાં આવ્યો હતો.
IDF સૈનિકો પરના હુમલા બાદ, ઇઝરાયેલના સંરક્ષણ પ્રધાન ઇઝરાયેલ કાત્ઝે એક નિવેદન બહાર પાડ્યું. સંરક્ષણ પ્રધાને નિવેદનમાં કહ્યું, "હું તમામ કાયદા અમલીકરણ એજન્સીઓને આ હુમલામાં તાત્કાલિક કાર્યવાહી કરવા અને, જેમ કે દરેક જગ્યાએ કરવામાં આવી રહ્યું છે, તાત્કાલિક સંડોવાયેલા તમામ લોકોની ઓળખ કરીને તેમને ન્યાયના કઠેડામાં લાવવા સૂચના આપું છું."
ઇઝરાયેલી સંરક્ષણ મંત્રી અપીલ
ઇઝરાયેલી સંરક્ષણ મંત્રી ઇઝરાયેલ કાત્ઝે કહ્યું, "હું બધા રબ્બીઓ અને વસાહત નેતાઓને અપીલ કરું છું કે તેઓ આ હિંસક ઘટનાઓની સખત નિંદા કરે અને આવી કોઈપણ બાબતથી પોતાને દૂર રાખે."
ટોપ સ્ટોરી
ટ્રેન્ડિંગ સમાચાર
