ચીની રાજદૂતના નિવેદન પર ભડક્યુ ભારતીય દૂતાવાસ, રાજદ્વારી શિષ્ટાચારનું ઉલ્લંઘન ગણાવ્યું

ચીની રાજદૂતની આ ટિપ્પણી પર ભારતીય દૂતાવાસે કહ્યું હતું કે, અમે ચીનના રાજદૂતની ટિપ્પણીની નોંધ લીધી છે

પ્રતિકાત્મક તસવીર

કોલંબોઃ શ્રીલંકામાં ભારતીય દૂતાવાસે શનિવારે કોલંબોમાં ચીનના રાજદૂતને સંકટગ્રસ્ત દેશ પર અયોગ્ય દબાણ લાવવા અને શ્રીલંકાના હંબનટોટામાં ચીની જાસૂસી જહાજની તૈનાતી પર વિવાદને વેગ આપવા બદલ ઠપકો આપ્યો હતો. ચીનના રાજદૂતે કહ્યું હતું કે ચીન ખુશ છે કે શ્રીલંકાએ આખરે ચીનના જહાજને હમ્બનટોટામાં રાખવાની મંજૂરી આપી. ભારતનું નામ લીધા વિના ચીનના રાજદૂતે કહ્યું હતું કે કહેવાતી સુરક્ષા ચિંતાઓ પર બાહ્ય નાકાબંધી હકીકતમાં શ્રીલંકાની સાર્વભૌમત્વ અને સ્વતંત્રતા સાથે સંપૂર્ણ દખલ છે.

➡️We have noted the remarks of the Chinese Ambassador. His violation of basic diplomatic etiquette may be a personal trait or reflecting a larger national attitude.(1/3)

— India in Sri Lanka (@IndiainSL) August 27, 2022

ચીની રાજદૂતની આ ટિપ્પણી પર ભારતીય દૂતાવાસે કહ્યું હતું કે, અમે ચીનના રાજદૂતની ટિપ્પણીની નોંધ લીધી છે. આ નિવેદન મૂળભૂત રાજદ્વારી શિષ્ટાચારનું ઉલ્લંઘન છે. ચીનના રાજદૂત ક્વિ ઝેનહોંગનો ભારત પ્રત્યેનો દૃષ્ટિકોણ તેમના પોતાના દેશ જેવો જ હોઈ શકે છે. પરંતુ અમે તેમને ખાતરી આપીએ છીએ કે ભારત ઘણું અલગ છે. અસ્પષ્ટતા અને દેવું આધારિત એજન્ડા હવે એક મોટો પડકાર છે, હાઇ કમિશને જણાવ્યું હતું. ખાસ કરીને નાના દેશો માટે તાજેતરનો ઘટનાક્રમ એક ચેતવણી છે.

➡️ His view of #SriLanka's northern neighbour may be coloured by how his own country behaves. #India, we assure him,is very different.

➡️His imputing a geopolitical context to the visit of a purported scientific research vessel is a giveaway 🇱🇰. (2/3)

— India in Sri Lanka (@IndiainSL) August 27, 2022

ચીનના રાજદૂતના નિવેદન બાદ ચીની દૂતાવાસે પણ ટ્વીટ કર્યું હતુ કે "દૂર અને નજીકના" કેટલાક દેશો શ્રીલંકાને ધમકી આપવા અને શ્રીલંકાની સાર્વભૌમત્વ અને સ્વતંત્રતાને વારંવાર કચડી નાખવા માટે વિવિધ પાયાવિહોણા બહાના બનાવે છે.

ચીનના રાજદૂતે શું કહ્યું?

ચીનની બેલેસ્ટિક મિસાઈલ અને સેટેલાઈટ સર્વેલન્સ જહાજ 'યુઆન વાંગ 5'ને હંબનટોટા બંદર પર લંગર કરવા સામે ભારતના વિરોધના સંદર્ભમાં શ્રીલંકા ખાતેના ચીનના રાજદૂતે ​​એક નિવેદનમાં કહ્યું હતું કે ચીન ખુશ છે કે મામલો થાળે પડ્યો છે. અને બેઈજિંગ અને કોલંબો સંયુક્ત રીતે એકબીજાની સાર્વભૌમત્વ, સ્વતંત્રતા અને પ્રાદેશિક અખંડિતતાનું રક્ષણ કરે છે.

નિવેદનમાં ભારતનું નામ લેવામાં આવ્યુ નથી પરંતુ કહ્યું હતું કે "ચોક્કસ સત્તાઓ દ્વારા પુરાવા વિના કહેવાતી સુરક્ષા ચિંતાઓ પર આધારિત બાહ્ય અવરોધો હકીકતમાં શ્રીલંકાની સાર્વભૌમત્વ અને સ્વતંત્રતા સાથે સંપૂર્ણ દખલ છે." યુઆન વાંગ 5 11 ઓગસ્ટના રોજ હંબનટોટા બંદરે આવવાનું હતું પરંતુ ભારતની સુરક્ષા ચિંતાઓને પગલે શ્રીલંકાના અધિકારીઓની પરવાનગીના અભાવે વિલંબ થયો હતો.