Turkey ski resort fire: તુર્કિયેમાં રિસોર્ટમાં લાગી ભીષણ આગ, 66નાં મોત, જીવ બચાવવા બિલ્ડિંગથી કૂદ્યાં લોકો
Turkey ski resort fire: તુર્કીયેના કાયદા મંત્રી યિલમાઝ તુને જણાવ્યું હતું કે, અકસ્માતની તપાસ માટે બોલુ પ્રાંતના મુખ્ય સરકારી વકીલની કચેરી દ્વારા ન્યાયિક તપાસ શરૂ કરવામાં આવી છે.
Turkey ski resort fire:તુર્કીમાં એક સ્કી રિસોર્ટ હોટલમાં મંગળવારે લાગેલી આગમાં ઓછામાં ઓછા 76 લોકોના મોત થયા છે અને 50થી વધુ લોકો ઘાયલ થયા છે. બોલુ પ્રાંતના કારતલકાયા સ્કી રિસોર્ટ સ્થિત હોટલમાં મધરાતે આગ ફાટી નીકળી હતી. બિલ્ડિંગના એક માળ પર રેસ્ટોરન્ટ ચાલે છે. રેસ્ટોરન્ટમાં આગ ફાટી નીકળી હતી. સ્થાનિક અધિકારીઓએ જણાવ્યું હતું કે, ઘણા લોકોએ ગભરાટમાં હોટલની ઇમારત પરથી કૂદકો માર્યો હતો, જેના પરિણામે તેમના મૃત્યુ થયા હતા.
બોલુ પ્રાંતના ગવર્નર અબ્દુલ અઝીઝ અયદિને જણાવ્યું હતું કે, આગનું કારણ હજુ સ્પષ્ટ થયું નથી, પરંતુ આગની જ્વાળાઓએ ઝડપથી હોટલને ઝપેટમાં લઇ લીધું હતું.
આગની માહિતી મળતાં જ ફાયર બ્રિગેડ, સર્ચ એન્ડ રેસ્ક્યુ યુનિટ અને મેડિકલ ટીમ ઘટનાસ્થળે પહોંચી ગઈ હતી. ફાયર બ્રિગેડ અને રેસ્ક્યુ ટીમે મળીને લગભગ 230 લોકોને જીવ બચાવ્યા હતા.
તુર્કીના ન્યાય પ્રધાન યિલમાઝ તુને જણાવ્યું હતું કે, અકસ્માતની તપાસ માટે બોલુ પ્રાંતના મુખ્ય સરકારી વકીલની કચેરી દ્વારા ન્યાયિક તપાસ શરૂ કરવામાં આવી છે. આ તપાસમાં છ સરકારી વકીલ અને પાંચ નિષ્ણાતોની સમિતિ બનાવવામાં આવી છે.
કર્તલકાયા રિસોર્ટ એ તુર્કીના મુખ્ય શિયાળુ પ્રવાસન સ્થળોમાંનું એક છે, જે સ્કી સિઝન દરમિયાન હજારો પ્રવાસીઓને આકર્ષે છે. આ હોટેલ 1978 થી તુર્કી સ્કીઅર્સ માટે મુખ્ય હબ છે.
બોલુ શહેર એ અંકારા અને ઈસ્તાંબુલ વચ્ચે સ્થિત એક મુખ્ય શહેર છે અને આ વિસ્તાર સ્કી ટુરિઝમ માટે જાણીતો છે. બોલુ શહેરના કેન્દ્રથી 38 કિમી દૂર, અંકારા અને ઈસ્તાંબુલથી 180 કિમી દૂર કોરોગ્લુ પર્વતની ટોચ પર સ્થિત, સ્કી એન્ડ માઉન્ટેન હોટેલ 60,000 ચોરસ મીટરના વિસ્તારમાં બનેલી છે.
ટ્રેન્ડિંગ સમાચાર
ટોપ સ્ટોરી
