North Korea Fire Missile: ઉત્તર કોરિયાએ મિસાઇલ છોડતાં જાપાનમાં મચ્યો હડકંપ, પીએમ કિશિદાએ કહી આ વાત

North Korea Fire Missile: દક્ષિણ કોરિયાના જોઈન્ટ ચીફ ઓફ સ્ટાફે જણાવ્યું હતું કે મિસાઈલ ઉત્તર કોરિયાની રાજધાની પ્યોંગયાંગ નજીકથી છોડવામાં આવી હતી.

ફાઈલ તસવીર

North Korea Fire Missile: ઉત્તર કોરિયાએ ગુરુવારે (13 એપ્રિલ) એક બેલેસ્ટિક મિસાઈલ લોન્ચ કરી હતી, જે કોરિયન પેનિનસુલા અને જાપાન વચ્ચે પડી હતી. આ પછી, જાપાન સરકારે સાવચેતીના ભાગ રૂપે હોકાઈડોમાં રહેતા લોકોને ઘરની અંદર રહેવાનો આદેશ જારી કર્યો છે.

દક્ષિણ કોરિયાના જોઈન્ટ ચીફ ઓફ સ્ટાફે જણાવ્યું હતું કે મિસાઈલ ઉત્તર કોરિયાની રાજધાની પ્યોંગયાંગ નજીકથી છોડવામાં આવી હતી. આ મિસાઈલ કોરિયન પેનિનસુલા અને જાપાન વચ્ચે ઉડી હતી. તેમણે કહ્યું કે જે મિસાઈલ છોડવામાં આવી છે તે મધ્યમ રેન્જ અથવા લોંગ રેન્જનું હથિયાર છે. જો કે મિસાઈલ ક્યાં પડી તે અંગે તેઓ માહિતી આપી શક્યા ન હતા.

જાપાન સરકારે ચેતવણી આપી

જાપાન સરકારે હોક્કાઇડોની નજીક રહેતા લોકોને ઇમારતો અથવા ભૂગર્ભ સ્થળોએ આશ્રય લેવા જણાવ્યું હતું. જાપાન સરકારે પ્રારંભિક ચેતવણી જારી કરીને કહ્યું કે તરત જ સ્થળ ખાલી કરો, તાત્કાલિક સ્થળ ખાલી કરો.

આ સિવાય ચેતવણીમાં એવું પણ કહેવામાં આવ્યું હતું કે મિસાઈલ જાપાનના સમય અનુસાર સવારે 8:00 વાગ્યે પડી હતી. આ અંગે વધુ માહિતી આપતા જાપાનના વડાપ્રધાન ફ્યુમિયો કિશિદાએ કહ્યું કે ઉત્તર કોરિયા તરફથી છોડવામાં આવેલી મિસાઈલ જાપાનના ક્ષેત્રમાં નથી પડી. જાપાનના સંરક્ષણ મંત્રીનું કહેવું છે કે ઉત્તર કોરિયા તરફથી છોડવામાં આવેલી મિસાઈલ સંભવતઃ ઈન્ટરકોન્ટિનેન્ટલ બેલેસ્ટિક મિસાઈલ (ICBM) મિસાઈલ હતી.

#UPDATE| North Korean missile did not fall in Japanese territory, reports AFP, quoting Japanese PM Fumio Kishida

— ANI (@ANI) April 13, 2023

ગયા વર્ષે પણ આદેશ જારી કરાયો હતો

જો કે સરકારે મિસાઈલ લોન્ચ કર્યા બાદ હોકાઈડોના લોકોને આશ્રય લેવા કહ્યું હતું. આ પછી, સરકારે તપાસ બાદ આદેશ પાછો ખેંચી લીધો અને કહ્યું કે મિસાઈલ હોક્કાઈડોની નજીક પડવાની કોઈ શક્યતા નથી.

જાપાને ગયા વર્ષે ઓક્ટોબરમાં ઉત્તર કોરિયા તરફથી મધ્યમ અંતરની મિસાઈલ છોડવામાં આવી ત્યારે આવો જ આદેશ આપ્યો હતો. તે સમયે, જાપાની સત્તાવાળાઓએ તેમના ઉત્તરપૂર્વીય પ્રદેશોમાં રહેવાસીઓને આશ્રયસ્થાનોમાં રહેવાનો આદેશ આપ્યો હતો. આ સિવાય ટ્રેનને રોકી દેવામાં આવી હતી.જો કે મિસાઈલ પેસિફિક ક્ષેત્રમાં ઉતરતા પહેલા કોઈ નુકસાન થયું ન હતું.

આ પણ વાંચોઃ