Pahalgam Attack: પાકિસ્તાનના મંત્રીએ પહેલગામના આતંકીઓને ગણાવ્યા 'સ્વતંત્રતા સેનાની'. પુરી દુનિયા સામે પાડોશી દેશની ખુલી પોલ
Pakistan On Pahalgam Attack: પાકિસ્તાને પહેલગામ હુમલાની નિંદા કરી હતી, પરંતુ તેના એક મંત્રીએ આતંકવાદીઓને સ્વતંત્રતા સેનાનીઓ ગણાવ્યા હતા, જે પાડોશી દેશનો પર્દાફાશ કરે છે.
Pakistan On Pahalgam Attack: 22 એપ્રિલ 2025 ના રોજ જમ્મુ અને કાશ્મીરના Pahalgam માં થયેલા આતંકવાદી હુમલાએ ભારતને હચમચાવી નાખ્યું હતું, ત્યારે પાકિસ્તાને ખૂબ જ બેશરમ કૃત્ય કર્યું છે. એક તરફ, પાકિસ્તાને ઔપચારિક રીતે આ હુમલાની નિંદા કરી, તો બીજી તરફ, તેના વિદેશ પ્રધાન અને નાયબ વડા પ્રધાન ઇશાક ડારે હુમલાખોરોને સ્વતંત્રતા સેનાનીઓ તરીકે સંબોધ્યા.
ભારતે પાકિસ્તાન સામે કડક કાર્યવાહી કરી
આ હુમલા બાદ ભારતે પાકિસ્તાન સામે કડક કાર્યવાહી કરી છે. આમાંનો સૌથી મોટો નિર્ણય 1960 ની સિંધુ જળ સંધિને સ્થગિત કરવાનો હતો, જે ભારતે આતંકવાદ સામે ઇસ્લામાબાદની ઢીલી નીતિના જવાબમાં લીધો હતો. આ સાથે, ભારતે પાકિસ્તાની નાગરિકોને આપવામાં આવેલા તમામ વિઝા રદ કર્યા અને અટારી સરહદ બંધ કરવાની પણ જાહેરાત કરી. પાકિસ્તાન સરકારે આ અંગે પ્રતિક્રિયા આપી. નાણામંત્રી ઇશાક ડારે કહ્યું, “24 કરોડ પાકિસ્તાની નાગરિકોને પાણીની જરૂર છે. ભારત આ કરી શકતું નથી. આને સીધું યુદ્ધ ગણવામાં આવશે. પાકિસ્તાનની રાષ્ટ્રીય સુરક્ષા સમિતિ (NSC) એ પણ ભારતના નિર્ણયને યુદ્ધનું કૃત્ય ગણાવ્યું છે. નોંધનિય છે કે, ભારતના આકરા વલણથી પાકિસ્તાનમાં ફફડાટ ફેલાયો છે. જે બાદ તેના મંત્રીએ વિવાદાસ્પદ નિવેદનો કરવા લાગ્યા છે.
આતંકવાદ પર વૈશ્વિક દબાણ છતાં પાકિસ્તાનનું અડગ વલણ
પહેલગામ હુમલાની જવાબદારી TRF દ્વારા લેવામાં આવી છે, જે પ્રતિબંધિત આતંકવાદી સંગઠન લશ્કર-એ-તૈયબાનો મોરો હોવાનું કહેવાય છે. આ એ જ સંગઠન છે જેને ISIનું સમર્થન છે. તેમ છતાં, પાકિસ્તાન આતંકવાદીઓને પોતાનાથી અલગ બતાવીને પોતાની જવાબદારીથી છટકી જવાનો પ્રયાસ કરે છે. આતંકવાદ સામેની લડાઈના નામે વિશ્વભરમાં સમર્થન મેળવવાનો પ્રયાસ કરી રહેલા પાકિસ્તાનનો ખુલાસો તેના નેતાના "સ્વતંત્રતા સેનાનીઓ" ના નિવેદનથી થયો છે.
પાકિસ્તાને તેના આક્રમક વલણ પર ભારતને ધમકી આપી છે
પાકિસ્તાનના સંરક્ષણ પ્રધાન ખ્વાજા મોહમ્મદ આસિફે પણ ભારતને ધમકી આપી હતી. તેમણે કહ્યું, "જો ભારત અમાર નાગરિકોને નુકસાન પહોંચાડે છે, તો ભારતીય નાગરિકો પણ સુરક્ષિત રહેશે નહીં. તે જેવા સાથે તેવાની નીતિ અપનાવશે." આ નિવેદન ભારત દ્વારા લેવામાં આવેલા રાજદ્વારી અને રાજકીય નિર્ણયોના પ્રતિભાવમાં આવ્યું છે, જેમાં પાકિસ્તાની હાઇ કમિશનના અધિકારીઓને હાંકી કાઢવા, દૂતાવાસના કર્મચારીઓની સંખ્યા ઘટાડવા અને અલગ દ્વિપક્ષીય વાતચીત મર્યાદિત કરવાનો સમાવેશ થાય છે.
ટોપ સ્ટોરી
ટ્રેન્ડિંગ સમાચાર
