Earthquake: ફિલિપાઈન્સમાં આવ્યો 7.4ની તિવ્રતાનો ભૂકંપ, સુનામીની આપવામાં આવી ચેતવણી
Mindanao Earthquake: ફિલિપાઈન્સના મિંડાનાઓમાં શનિવારે (2 ડિસેમ્બર) 7.4ની તીવ્રતાનો ભૂકંપ આવ્યો હતો, જેના કારણે સુનામીની ચેતવણી જારી કરવામાં આવી છે.
Mindanao Earthquake: ફિલિપાઈન્સના મિડાનાઓમાં શનિવારે (2 ડિસેમ્બર) 7.4ની તીવ્રતાનો ભૂકંપ આવ્યો હતો, જેના કારણે સુનામીની ચેતવણી જારી કરવામાં આવી છે. નેશનલ સેન્ટર ફોર સિસ્મોલોજી અનુસાર, આ ભૂકંપ રાત્રે 8:07 કલાકે આવ્યો હતો. તેનું કેન્દ્ર જમીનમાં 50 કિલોમીટરની ઊંડાઈ પર હતું.
Earthquake of Magnitude:7.4, Occurred on 02-12-2023, 20:07:08 IST, Lat: 8.56 & Long: 126.40, Depth: 50 Km ,Location: Mindanao,Philippines for more information Download the BhooKamp App https://t.co/r2BBXhuHfU@KirenRijiju @Dr_Mishra1966 @Ravi_MoES @ndmaindia @Indiametdept pic.twitter.com/SQ0p0nXAYQ
— National Center for Seismology (@NCS_Earthquake) December 2, 2023
ન્યૂઝ એજન્સી રોઈટર્સના અહેવાલ અનુસાર, યુરોપિયન-મેડિટેરેનિયન સિસ્મોલોજીકલ સેન્ટર (EMSC)એ આ ભૂકંપની તીવ્રતા 7.5 અને તેનું કેન્દ્રબિંદુ 63 કિલોમીટરની ઉંડાઈ પર હોવાનું જણાવ્યું છે. રિપોર્ટ અનુસાર અમેરિકન સુનામી વોર્નિંગ સિસ્ટમે ભૂકંપ બાદ સુનામીની ચેતવણી જારી કરી હતી.
ફિલિપાઇન્સ અને જાપાનમાં ક્યારે પહોંચશે સુનામી ?
ફિલિપાઈન્સ અને જાપાનમાં સુનામી આવવાની આશંકા છે. ફિલિપાઈનની સિસ્મોલોજી એજન્સી PHIVOLCSએ જણાવ્યું હતું કે સુનામીના મોજા સ્થાનિક સમય (1600 GMT) મધ્યરાત્રિ સુધીમાં ફિલિપાઈન્સમાં પહોંચી શકે છે અને કલાકો સુધી ચાલુ રહેશે. જાપાની બ્રોડકાસ્ટર NHK એ જણાવ્યું હતું કે એક મીટર (3 ફૂટ) ઊંચા સુનામીના મોજા થોડી વાર પછી - 1:30 વાગ્યે (1630 GMT શનિવાર) જાપાનના પશ્ચિમ કિનારે પહોંચી શકે છે.
An earthquake with a magnitude of 7.4 on the Richter Scale hit Mindanao, Philippines at around 8:07 pm today: National Center for Seismology pic.twitter.com/QxVf6yR5B0
— ANI (@ANI) December 2, 2023
ગયા મહિને આવેલા ભૂકંપમાં આઠ લોકોએ જીવ ગુમાવ્યા હતા
રોઇટર્સે અહેવાલ અનુસાર, ગયા મહિનાની શરૂઆતમાં, દક્ષિણ ફિલિપાઇન્સમાં 6.7 તીવ્રતાનો ભૂકંપ આવ્યો હતો, જેમાં આઠ લોકો માર્યા ગયા હતા. 17 નવેમ્બરના ભૂકંપમાં સારંગાની, સાઉથ કોટાબેટો અને દાવોઓ ઓક્સિડેન્ટલના પ્રાંતોમાં 13 લોકોના મોત અને 13 લોકો ઘાયલ થયા હતા. તે જ સમયે, 50 થી વધુ મકાનો અને ઇમારતોને નુકસાન થયું હતું. તમને જણાવી દઈએ કે સામાન્ય રીતે રિક્ટર સ્કેલ પર 7 કે તેથી વધુની તીવ્રતા સામાન્ય કરતાં વધુ ખતરનાક માનવામાં આવે છે. ફિલિપાઈન્સમાં આ ભૂકંપને કારણે થયેલા નુકસાન અંગે અપડેટ આવવાનું બાકી છે.
ફિલિપાઇન્સ 'રિંગ ઓફ ફાયર'માં આવે છે
ફિલિપાઇન્સ પેસિફિક ક્ષેત્રના 'રિંગ ઓફ ફાયર'માં આવે છે, જ્યાં વારંવાર ભૂકંપ આવે છે. યુએસ જીઓલોજિકલ સર્વે આ પ્રદેશને વિશ્વમાં સૌથી વધુ ધરતીકંપ અને જ્વાળામુખી સક્રિય પ્રદેશ તરીકે વર્ણવે છે.
ટોપ સ્ટોરી
ટ્રેન્ડિંગ સમાચાર
