Justin Trudeau Divorce: લગ્નના 18 વર્ષ બાદ કેનેડાના PM જસ્ટિન ટ્રુડોએ પત્નીને છૂટાછેટા આપવાની કરી જાહેરાત

Justin Trudeau Divorce: કેનેડાના પીએમ જસ્ટિન ટ્રુડોએ 18 વર્ષ બાદ પત્ની સોફીથી અલગ થવાની જાહેરાત કરી છે. કેનેડાના વડા પ્રધાન જસ્ટિન ટ્રુડોએ બુધવારે કહ્યું કે તેઓ અને તેમની પત્ની સોફીથી અલગ થઈ રહ્યા છે.

( Image Source : Instagram/sophiegregoiretrudeau )

Justin Trudeau Divorce: કેનેડાના પીએમ જસ્ટિન ટ્રુડોએ 18 વર્ષ બાદ પત્ની સોફીથી અલગ થવાની જાહેરાત કરી છે. કેનેડાના વડા પ્રધાન જસ્ટિન ટ્રુડોએ બુધવારે કહ્યું કે તેઓ અને તેમની પત્ની સોફીથી અલગ થઈ રહ્યા છે.

 

 

 

 

 

 

View this post on Instagram

 

 

 

 

 

 

 

 

 

 

 

A post shared by Justin Trudeau (@justinpjtrudeau)

જસ્ટિન ટ્રુડો અને સોફીએ ઈન્સ્ટાગ્રામ પર પોસ્ટ કરેલા નિવેદનમાં જણાવ્યું હતું કે તેઓએ લાંબી વાતચીત બાદ અલગ થવાનો નિર્ણય કર્યો છે. આ સિવાય વડાપ્રધાન કાર્યાલય તરફથી એક નિવેદનમાં કહેવામાં આવ્યું છે કે બંનેએ લીગલ સેપરેશન એગ્રીમેન્ટ પર હસ્તાક્ષર કર્યા છે.

48 વર્ષની સોફી ગ્રેગોઇર ટ્રુડો ક્વિબેકમાં ટેલિવિઝન રિપોર્ટર પણ રહી ચૂકી છે. તેણે 51 વર્ષીય જસ્ટિન ટ્રુડો સાથે ત્રણ ચૂંટણીઓ માટે પ્રચાર પણ કર્યો છે. તેણી ઘણી વખત મહિલાઓના અધિકારો અને માનસિક સ્વાસ્થ્ય સમસ્યાઓની હિમાયત કરતી જોવા મળી છે. ટ્રુડો પરિવાર વર્ષ 2018માં પ્રથમ વખત સત્તાવાર પ્રવાસ પર ભારત આવ્યો હતો.

ટ્રુડોએ પોસ્ટ લખી હતી
ઇન્સ્ટાગ્રામ પર પીએમ ટ્રુડોથી અલગ થવાની જાહેરાત પણ કરવામાં આવી હતી. ટ્રુડોએ એક પોસ્ટ લખી છે જેમાં તેણે ઘણી બધી વાતો કહી છે. ટ્રુડોએ લખ્યું, 'સોફી અને હું તમારી સાથે સત્ય શેર કરવા માંગુ છું કે ઘણી તાર્કિક અને મુશ્કેલ ચર્ચાઓ પછી, સોફી અને મેં અલગ થવાનો નિર્ણય લીધો છે. હંમેશની જેમ, અમે એકબીજા માટે આદર અને પ્રેમ સાથે એક નજીકનો પરિવાર બની રહીશું અને અમે જે બનાવ્યું છે તેના પર નિર્માણ કરવાનું ચાલુ રાખીશું.' ટ્રુડોએ આગળ લખ્યું, 'બાળકોના ભલા માટે અમે દરેકને વિનંતી કરીએ છીએ કે તેઓ અમારી અને તેમની પ્રાઈવસીનું સન્માન કરે.'

બંને બાળકો માટે ફેમિલી હોલિડે પર જશે

બંનેને ત્રણ બાળકો છે - 15 વર્ષીય જેવિયર, 14 વર્ષીય એલા-ગ્રેસ અને 9 વર્ષીય હેડ્રિયન. અલગ થવાને લઈને જારી કરાયેલા નિવેદનમાં તેણે એ વાતનો પણ ઉલ્લેખ કર્યો છે કે તે પોતાના બાળકો માટે એક પરિવારની જેમ જ રહેશે. બંને બાળકોને સલામત અને પ્રેમાળ વાતાવરણમાં ઉછેરવા પર ધ્યાન કેન્દ્રિત કરશે. આવતા સપ્તાહથી તે બાળકો સાથે ફેમિલી હોલિડે પર જશે

કેવી રીતે શરૂ થઈ લવ સ્ટોરી
ટ્રુડો અને સોફી એક બીજાને બાળપણથી ઓળખતા હતા. સોફી પીએમ ટ્રુડોના ભાઈ મિશેલ સાથે ક્લાસમાં અભ્યાસ કરતી હતી. તેથી જ જ્યારે તે નાની હતી, ત્યારે તે અવારનવાર ટ્રુડોના ઘરે આવતી હતી. બંને વર્ષ 2003માં ફરી મળ્યા અને અહીંથી તેમના સંબંધોની શરૂઆત થઈ.