રશિયાની ખૂંખાર મહિલા સ્નાઇપરની ધરપકડ, નનમાંથી શૂટર બનેલી આ મહિલાએ 40થી વધુ યૂક્રેનીઓને કરી દીધા છે ઠાર, જાણો

યૂક્રેન સેનાએ ડોનબાસમાંથી એક એવી મહિલાને ઝડપી છે જેની તપાસ છેલ્લા ઘણાસમયથી હતી. જાણકારી અનુસાર, આ મહિલા રશિયન સેનાની સૌથી ખૂંખાર સ્નાઇપર છે,

Ukraine_Russia_02

નવી દિલ્હીઃ યૂક્રેન અને રશિયા વચ્ચે આજે યુદ્ધનો 36મો દિવસ છે. રશિયા યૂક્રેનના અનેક શહેરોને તબાહ કરી રહ્યું છે. કીવ, ખારકીવ, લવીવ, મારિયુપોલ, ઓડેસા સહિતાના અનેક શહેરોમાં રશિયન સેનાના હુમલાથી તબાહીનો આલામ થઇ ગયો છે. દુનિયાભરના દેશો રશિયાની નિંદા કરી રહ્યાં છે, વળી યૂક્રેન પણ રશિયાનો જબરદસ્ત રીતે સામનો કરી રહ્યુ છે, હાર માનવા તૈયાર નથી. 

આ બધાની વચ્ચે યૂક્રેન સેનાએ ડોનબાસમાંથી એક એવી મહિલાને ઝડપી છે જેની તપાસ છેલ્લા ઘણાસમયથી હતી. જાણકારી અનુસાર, આ મહિલા રશિયન સેનાની સૌથી ખૂંખાર સ્નાઇપર છે, જેનુ નામ ઇરીના સ્ટારિકોવા છે. મીડિયા રિપોર્ટ્સ અનુસાર, ઇરીના સ્ટારિકોવા અત્યાર સુધી 40થી વધુ યૂક્રેનીઓને મોતને ઘાટ ઉતારી ચૂકી છે. આમાં યૂક્રેની મહિલાઓ સહિત બાળકો પણ સામેલ છે. ઇરીના સ્ટારિકોવાને પકડવી એ યૂક્રેન સેના માટે એક મોટી સફળતા ગણી શકાય છે. 

યૂક્રેની સેનાના બનાવતી હતી નિશાન -
જાણકારી અનસાર, ઇરીના સ્ટારિકોવા વર્ષ 2014 થી યૂક્રેન વિરુદ્ધ લડી રહી છે. આ યુદ્ધ શરૂ થયા પહેલા ઇરીના સ્ટારિકોવા અલગાવવાદીઓ સાથે મળીને યૂક્રેની સેનાને નિશાન બનાવતી હતી, જેના કારણે આને પકડવી જરૂરી બની ગયુ હતુ. જાણકારી અનુસાર, શરૂઆતમાં યૂક્રેની સૈનિક આને ઓળખી ના શક્યા, પરંતુ હૉસ્પીટલમાં ભરતી કરાવાયા બાદ તેની અસલ ઓળખ સામે આવી હતી.  

ઇરીના સ્ટારિકોવા પહેલા હતી નન -
યૂક્રેના મીડિયા રિપોર્ટ્સ અનુસાર, ઇરીના સ્ટારિકોવા મૂળ રીતે સાર્બિયાની રહેવાસી છે, અને સેનામાં આવ્યા પહેલા એક નન રહી ચૂકી છે. ઇરીના સ્ટારિકોવાની બે દીકરીઓ છે અને તેનો પતિ તેની સાથે તલાક લઇ ચૂક્યો છે. 

આ પણ વાંચો.........