Superbug : 2023માં હાહાકાર મચાવશે 'સુપરબગ', મોતના ખપ્પરમાં હોમાઈ શકે છે 1 કરોડ લોકો
હાલમાં આ સુપરબગને કારણે વિશ્વભરમાં દર વર્ષે 1.3 મિલિયન લોકો મૃત્યુ પામે છે. લેન્સેટના અભ્યાસમાં સામે આવ્યું છે કે, એન્ટિબાયોટિક્સ અને એન્ટી ફંગલ દવાઓ પણ સુપરબગ્સને અસર કરતી નથી.
Superbug Biggest Threat : છેલ્લા બે વર્ષથી સમગ્ર વિશ્વ કોરોનાથી પીડિત છે. એક તરફ દર વર્ષે એક નવા પ્રકાર સાથે આ રોગચાળો લોકોને માત્ર શારીરિક જ નહીં પરંતુ માનસિક રીતે પણ નબળા પાડી રહ્યો છે. તો બીજી તરફ અમેરિકામાં માનવીઓમાં ઝડપથી ફેલાતા સુપરબગએ સમગ્ર વિશ્વને ફરી ચિંતામાં મૂકી દીધું છે. છેલ્લા કેટલાક વર્ષોમાં આ બેક્ટેરિયલ સુપરબગ મેડિકલ સાયન્સ માટે એક મોટા પડકાર તરીકે ઉભરી આવ્યો છે. આવી સ્થિતિમાં કોવિડ-19નું સંક્રમણ તેને વધુ ખતરનાક બનાવી રહ્યું છે. મેડિકલ જર્નલ લેન્સેટમાં પ્રકાશિત એક અભ્યાસ સૂચવે છે કે જો આ સુપરબગ આ રીતે ફેલાતો રહેશે તો દર વર્ષે 10 મિલિયન લોકો તેના કારણે મૃત્યુ પામી શકે છે.
હાલમાં આ સુપરબગને કારણે વિશ્વભરમાં દર વર્ષે 1.3 મિલિયન લોકો મૃત્યુ પામે છે. લેન્સેટના અભ્યાસમાં સામે આવ્યું છે કે, એન્ટિબાયોટિક્સ અને એન્ટી ફંગલ દવાઓ પણ સુપરબગ્સને અસર કરતી નથી. શું આ સુપરબગ વિશ્વ માટે નવા પ્રકારનો ખતરો ઉભો કરી રહ્યો છે?
સુપરબગ શું છે?
તે બેક્ટેરિયાનું એક સ્વરૂપ છે. કેટલાક બેક્ટેરિયા માનવ મૈત્રીપૂર્ણ હોય છે જ્યારે કેટલાક મનુષ્યો માટે ખૂબ જોખમી હોય છે. આ સુપરબગ મનુષ્ય માટે જીવલેણ છે. તે બેક્ટેરિયા, વાયરસ અને પરોપજીવીનો સ્ટ્રેન છે. જ્યારે બેક્ટેરિયા, વાયરસ, ફૂગ અથવા પરોપજીવી સમય સાથે બદલાય છે, ત્યારે દવા તેમને અસર કરવાનું બંધ કરે છે. આ તેમનામાં એન્ટિમાઇક્રોબાયલ પ્રતિકાર બનાવે છે.
એન્ટિમાઇક્રોબાયલ પ્રતિકારના ઉદભવ બાદ તે ચેપની સારવાર ખૂબ મુશ્કેલ બની જાય છે. જો સાદી ભાષામાં સમજીએ તો સુપરબગ એવી સ્થિતિ છે જ્યારે દર્દીના શરીરમાં રહેલા બેક્ટેરિયા, વાયરસ અને પેરાસાઇટ સામે દવા બિનઅસરકારક બની જાય છે.
કોઈપણ એન્ટિબાયોટિક દવાના વધુ પડતા ઉપયોગથી અથવા બિનજરૂરી રીતે એન્ટિબાયોટિક દવાના ઉપયોગને કારણે સુપરબગ્સ ઉત્પન્ન થાય છે. ડોકટરોના મતે, ફ્લૂ જેવા વાયરલ ચેપના કિસ્સામાં એન્ટિબાયોટિક્સ લેવાથી, સુપરબગ બનવાની શક્યતાઓ વધુ છે, જે ધીમે ધીમે અન્ય માનવીઓને પણ ચેપ લગાડે છે.
ઈન્ડિયન કાઉન્સિલ ઓફ મેડિકલ રિસર્ચ અનુસાર, આપણા દેશમાં ન્યુમોનિયા અને સેપ્ટિસેમિયાની સારવાર માટે વપરાતી કાર્બાપેનેમ દવાઓ હવે બેક્ટેરિયા પર બિનઅસરકારક બની ગઈ છે. જેના કારણે આ દવાઓના ઉત્પાદન પર પ્રતિબંધ મુકવામાં આવ્યો હતો.
આ ખતરનાક બગ કેવી રીતે ફેલાય?
સુપરબગ્સ ત્વચાના સંપર્ક, ઘા, લાળ અને જાતીય સંપર્ક દ્વારા વ્યક્તિથી વ્યક્તિમાં ફેલાય છે. એક વખત સુપરબગ માનવ શરીરમાં પ્રવેશ કરી ગયા બાદ દવાઓ દર્દીને અસર કરવાનું બંધ કરી દે છે. સુપરબગ્સ માટે હાલમાં કોઈ જ દવા નથી પરંતુ યોગ્ય પદ્ધતિઓ અપનાવીને તેને અટકાવી શકાય છે.
સુપરબગ્સને કારણે કયા રોગો થાય
વર્ષ 2021 માં, અમેરિકામાં 10થી વધુ સંશોધનોમાં જાણવા મળ્યું કે સુપરબગ્સને કારણે અકાળ જન્મનું જોખમ વધે છે. બીજી તરફ પુરુષોને પેશાબને લગતી સમસ્યા હોય છે. જો કે, મનુષ્યોમાં તેની લાંબા ગાળાની આડઅસરો પર હજુ વધુ સંશોધન કરવામાં આવી રહ્યા છે.
સુપરબગ ફાટી નીકળવાથી કેવી રીતે બચવું
સુપરબગ્સથી બચવા માટે પહેલા સાબુ અને પાણીથી હાથ ધોવા.
હાથ ધોવા માટે હેન્ડ સેનિટાઈઝરનો ઉપયોગ કરો.
ખાદ્ય પદાર્થોને સ્વચ્છ જગ્યાએ રાખો.
ખોરાકને યોગ્ય રીતે રાંધો અને સ્વચ્છ પાણીનો ઉપયોગ કરો.
બીમાર લોકો સાથે સંપર્ક ટાળો.
ડૉક્ટરની સલાહ લીધા પછી જ કોઈપણ એન્ટિબાયોટિકનો ઉપયોગ કરો.
અન્ય લોકો સાથે એન્ટિબાયોટિક્સ શેર કરશો નહીં.
ટોપ સ્ટોરી
ટ્રેન્ડિંગ સમાચાર
