PM Modi માટે ખૂબ માન છે, જલ્દી થશે મોટી ટ્રેડ ડીલ: ટેરિફ વોર વચ્ચે ટ્રમ્પનું મોટું નિવેદન

Trump on PM Modi: દાવોસમાં ટ્રમ્પનો અલગ અંદાજ: 50% ટેરિફ લાદ્યા બાદ અચાનક બદલ્યો સૂર; વડાપ્રધાન મોદીને ગણાવ્યા 'અદ્ભુત મિત્ર' અને ભારત સાથેના સંબંધો પર કહી આ મોટી વાત.

PM Modi માટે ખૂબ માન છે, જલ્દી થશે મોટી ટ્રેડ ડીલ

Source : ANI

Show Quick Read

Key points generated by AI, verified by newsroom

Trump on PM Modi: ભારત અને અમેરિકા વચ્ચે ચાલી રહેલા 'ટેરિફ વોર' (Tariff War) અને તણાવપૂર્ણ વ્યાપારી સંબંધો વચ્ચે અમેરિકાના રાષ્ટ્રપતિ ડોનાલ્ડ ટ્રમ્પે (Donald Trump) એક આશ્ચર્યજનક અને મોટું નિવેદન આપ્યું છે. સ્વિટ્ઝર્લૅન્ડના દાવોસ (Davos) ખાતે ચાલી રહેલી 'વર્લ્ડ ઈકોનોમિક ફોરમ' (WEF) ની બેઠકમાં ટ્રમ્પે ભારતીય વડાપ્રધાન નરેન્દ્ર મોદી (Narendra Modi) ના ભરપેટ વખાણ કર્યા છે. મીડિયા સાથે વાતચીત કરતા ટ્રમ્પે કહ્યું હતું કે, "મને તમારા વડાપ્રધાન માટે ખૂબ માન છે. તેઓ એક અદ્ભુત વ્યક્તિ (Wonderful Man) છે અને મારા સારા મિત્ર છે. અમે ટૂંક સમયમાં ભારત સાથે એક શાનદાર વેપાર કરાર (Trade Deal) કરવા જઈ રહ્યા છીએ."

ટેરિફના તણાવ વચ્ચે રાહતના સમાચાર 

ટ્રમ્પનું આ નિવેદન એવા સમયે આવ્યું છે જ્યારે બંને દેશો વચ્ચેના વેપાર સંબંધો નાજુક તબક્કામાંથી પસાર થઈ રહ્યા છે. ઉલ્લેખનીય છે કે, રાષ્ટ્રપતિ બન્યા બાદ ટ્રમ્પે ઓગસ્ટ મહિનામાં ભારતીય સામાન પરના ટેરિફમાં વધારો કરીને તેને 50% સુધી પહોંચાડી દીધો હતો, જે વિશ્વના સૌથી ઊંચા દરોમાંનો એક છે. જેમાં રશિયા પાસેથી ક્રૂડ ઓઈલની ખરીદી પર વધારાની 25% ડ્યુટીનો પણ સમાવેશ થાય છે. આ કડક વલણ બાદ અચાનક ટ્રમ્પના નરમ વલણે રાજદ્વારી વર્તુળોમાં નવી આશા જગાડી છે.

આવતીકાલે મહત્વની બેઠક 

સૂત્રોના જણાવ્યા અનુસાર, ભારત અને અમેરિકા વેપાર કરારની ખૂબ નજીક પહોંચી ગયા છે. ભારતમાં અમેરિકાના રાજદૂત સર્જિયો ગોરે પણ પુષ્ટિ કરી હતી કે બંને દેશો સક્રિય રીતે વાટાઘાટો કરી રહ્યા છે. આ દિશામાં આગળ વધવા માટે આવતીકાલે જ બંને પક્ષો વચ્ચે નિર્ણાયક વેપાર મંત્રણા (Trade Talks) યોજાવાની છે. ગયા વર્ષે ફેબ્રુઆરીથી શરૂ થયેલી આ વાતચીત હવે અંતિમ તબક્કામાં હોવાનું મનાય છે.

જયશંકર અને રુબિયો વચ્ચે ચર્ચા 

આ નિવેદન પહેલાં ભારતના વિદેશ મંત્રી એસ. જયશંકરે (S. Jaishankar) અમેરિકાના સેક્રેટરી ઓફ સ્ટેટ માર્કો રુબિયો સાથે ફોન પર મહત્વપૂર્ણ વાતચીત કરી હતી. જેમાં વેપાર ઉપરાંત, ક્રિટિકલ મિનરલ્સ, પરમાણુ ઊર્જા અને સંરક્ષણ (Defense) ક્ષેત્રે સહયોગ વધારવા પર ભાર મૂકવામાં આવ્યો હતો.

$500 બિલિયનનો લક્ષ્યાંક 

બંને મહાસત્તાઓએ વર્ષ 2030 સુધીમાં દ્વિપક્ષીય વેપારને બમણો કરીને $500 Billion (બિલિયન ડોલર) સુધી લઈ જવાનો મહત્વાકાંક્ષી લક્ષ્યાંક રાખ્યો છે. વેપાર ખાધ ઘટાડવા માટે ભારત અમેરિકા પાસેથી વધુ એનર્જી અને ડિફેન્સ સાધનો ખરીદવા પણ તૈયાર થયું છે. હવે જોવાનું એ રહે છે કે ટ્રમ્પના આ 'મિત્રતા' ભર્યા નિવેદન બાદ આવતીકાલની બેઠકમાં શું પરિણામ આવે છે.

આ પણ વાંચો

US-EU Deal: ટ્રમ્પને મોટો ઝટકો! ગ્રીનલેન્ડ વિવાદને લીધે 27 દેશોએ અમેરિકા સાથેનો કરાર તોડ્યો