'પેલેસ્ટિનિયનો પાસે નહીં હોય ગાઝા પટ્ટીમાં પરત ફરવાનો અધિકાર', સામે આવ્યો ટ્રમ્પનો પ્લાન
તેમણે કહ્યું કે અમે પેલેસ્ટિનિયનોને સ્વીકારવા માટે જોર્ડન અને ઇજિપ્ત સાથે કરાર કરી શકીએ છીએ
અમેરિકાના રાષ્ટ્રપતિ ડોનાલ્ડ ટ્રમ્પ પનામા સિટી, કેનેડા અને ગ્રીનલેન્ડ પછી હવે ગાઝા પર કબજો કરવા માંગે છે. ડોનાલ્ડ ટ્રમ્પે કહ્યું કે ગાઝા પટ્ટીનો પુનર્વિકાસ કરવામાં આવશે. તેને પુનર્સ્થાપિત કરવામાં ઘણા વર્ષો લાગશે. ટ્રમ્પે કહ્યું કે અમારા પ્રસ્તાવ હેઠળ પેલેસ્ટિનિયનોને ગાઝા પટ્ટીમાં પાછા ફરવાનો અધિકાર રહેશે નહીં.
BREAKING: President Donald Trump says Palestinians won’t have the right to return to Gaza under his plan for U.S. "ownership" of the war-torn territory. https://t.co/XOibMKizzO
— The Associated Press (@AP) February 10, 2025
ટ્રમ્પ પેલેસ્ટિનિયનોને પડોશી દેશોમાં વસાવવા માંગે છે. એટલા માટે તેમણે કહ્યું કે અમે પેલેસ્ટિનિયનોને સ્વીકારવા માટે જોર્ડન અને ઇજિપ્ત સાથે કરાર કરી શકીએ છીએ. અમેરિકા દર વર્ષે બંને દેશોને અબજો ડોલરની સહાય આપે છે.
#BREAKING Trump says could 'conceivably' withhold aid to Jordan, Egypt if they don't take in Palestinians pic.twitter.com/khAc3U3jk4
— AFP News Agency (@AFP) February 10, 2025
ગાઝા અનેક વર્ષોમાં રહેવા યોગ્ય બનશે
ફોક્સ ન્યૂઝના ઇન્ટરવ્યૂમાં જ્યારે ટ્રમ્પને પૂછવામાં આવ્યું કે શું પેલેસ્ટિનિયનોને ગાઝા પાછા ફરવાનો અધિકાર હશે, ત્યારે તેમણે ના જવાબ આપ્યો હતો. તેમણે એવું ન કરવું જોઈએ કારણ કે ત્યાં તેમને રહેવાની સારી વ્યવસ્થા મળશે. હું તેમના માટે કાયમી સ્થળ બનાવવાની વાત કરી રહ્યો છું. ગાઝાને ફરીથી રહેવા યોગ્ય બનાવવામાં ઘણા વર્ષો લાગશે.
બેજવાબદાર નિવેદન: હમાસ
ગયા અઠવાડિયે ડોનાલ્ડ ટ્રમ્પે લગભગ 2.2 મિલિયન પેલેસ્ટિનિયનોને ફરીથી વસાવવાનો પ્રસ્તાવ મુક્યો હતો. પરંતુ હવે પહેલી વાર તેમણે કહ્યું કે પેલેસ્ટાઇનના લોકોને ગાઝા પાછા ફરવાનો કોઈ અધિકાર રહેશે નહીં. જોકે, ગાઝાના લોકોએ ટ્રમ્પના પ્રસ્તાવને નકારી કાઢ્યો છે. હમાસે પણ ટ્રમ્પના નિવેદનની ટીકા કરી હતી. હમાસના વરિષ્ઠ અધિકારી સમી અબુ ઝુહરીએ કહ્યું કે ટ્રમ્પનું નિવેદન કે પેલેસ્ટિનિયનો ગાઝા પાછા ફરી શકશે નહીં તે બેજવાબદાર હતું.
સાઉદી અરેબિયાએ પ્રસ્તાવ ફગાવી દીધો
જ્યારે ટ્રમ્પે ગયા અઠવાડિયે ગાઝા પટ્ટી પર કબજો કરવાની પોતાની યોજના શેર કરી ત્યારે સાઉદી અરેબિયા સહિત ઘણા સાથીઓએ તેને નકારી કાઢી હતી. જોકે, ઇઝરાયલી વડા પ્રધાન બેન્જામિન નેતન્યાહૂએ પેલેસ્ટિનિયનોને વસાવવાના પ્રસ્તાવની પ્રશંસા કરી છે. અમેરિકાના વિદેશ મંત્રી માર્કો રુબિયોએ પણ કહ્યું છે કે ગાઝા પટ્ટીનું પુનઃનિર્માણ ન થાય ત્યાં સુધી પેલેસ્ટિનિયનોને બીજે ક્યાંક રહેવું પડશે.
અમેરિકાના વિદેશ મંત્રી મધ્ય પૂર્વની મુલાકાત લેશે
યુએસ સેક્રેટરી ઓફ સ્ટેટ માર્કો રુબિયો આ સપ્તાહના અંતે મધ્ય પૂર્વનો પ્રથમ પ્રવાસ કરશે. સોમવારે શરૂઆતમાં, રુબિયોએ વોશિંગ્ટનમાં ઇજિપ્તના વિદેશ પ્રધાન બદર અબ્દેલતીને મળ્યા હતા. ઇજિપ્તને ડર છે કે પેલેસ્ટિનિયનોને ગાઝા સાથેની ઇજિપ્તની સરહદ પાર કરવાની ફરજ પાડવામાં આવી શકે છે.
PM મોદીના અમેરિકાના પ્રવાસ પહેલા ટ્રમ્પના આ નિર્ણયએ ભારતની ચિંતા વધારી, નુકસાનના સંકેત
ટોપ સ્ટોરી
ટ્રેન્ડિંગ સમાચાર
