Russia America Talk: ડોનાલ્ડ ટ્રમ્પ ખત્મ કરી શકશે રશિયા-યુક્રેન યુદ્ધ? સાઉદી અરેબિયાની બેઠકમાં શું આવ્યું પરિણામ
આ બેઠકમાં અમેરિકાના વિદેશ મંત્રી માર્કો રુબિયો અને રશિયન વિદેશ મંત્રી સર્ગેઇ લાવરોવ હાજર રહ્યા હતા.
Russia Ukraine War Update: રશિયા અને યુક્રેન વચ્ચે ચાલી રહેલા યુદ્ધ વચ્ચે તેમને સમાપ્ત કરવાના રસ્તાઓ શોધવામાં આવી રહ્યા છે. આ ક્રમમાં રશિયા અને અમેરિકાના ટોચના અધિકારીઓએ મંગળવારે (18 ફેબ્રુઆરી, 2025) સાઉદી અરેબિયામાં એક બેઠક યોજી હતી. આમાં યુક્રેનમાં યુદ્ધનો અંત લાવવાના માર્ગો પર ચર્ચા કરવામાં આવી હતી. જોકે, આ બેઠકમાં યુક્રેનનો કોઈ પ્રતિનિધિ હાજર નહોતો.
આ બેઠકમાં અમેરિકાના વિદેશ મંત્રી માર્કો રુબિયો અને રશિયન વિદેશ મંત્રી સર્ગેઇ લાવરોવ હાજર રહ્યા હતા. યુક્રેનના રાષ્ટ્રપતિ ઝેલેન્સકીએ કહ્યું કે યુક્રેન આ બેઠકમાં ભાગ લીધો ન હોવાથી તે બેઠકમાં લેવાયેલા નિર્ણયોને સ્વીકારશે નહીં. યુરોપિયન સાથીઓએ પણ કહ્યું કે તેમને પણ બાજુ પર રાખવામાં આવ્યા છે.
બેઠકની ખાસ વાતો
1- સાઉદી અરેબિયાની મધ્યસ્થી હેઠળ આ બેઠક લગભગ 4 કલાક ચાલી હતી. રશિયા અને અમેરિકા યુક્રેન વિના યુદ્ધનો અંત લાવવા માટે વાટાઘાટો કરવા સંમત થયા. બંને પક્ષો યુક્રેનમાં સંઘર્ષના વહેલા અંતના માર્ગ પર કામ શરૂ કરવા માટે સંબંધિત ઉચ્ચ-સ્તરીય ટીમોની નિમણૂક કરવા સંમત થયા છે જે સ્થાયી, ટકાઉ અને તમામ પક્ષોને સ્વીકાર્ય હોય.
- યુએસ સેક્રેટરી ઓફ સ્ટેટ માર્કો રુબિયોએ જણાવ્યું હતું કે યુએસ-રશિયન અધિકારીઓ દૂતાવાસમાં સ્ટાફને ફરીથી કામે લગાડવા માટે સંમત થયા છે. તેમણે એમ પણ કહ્યું કે યુક્રેનમાં યુદ્ધનો અંત લાવવા માટે તમામ પક્ષોની સંમતિની જરૂર પડશે અને યુરોપ વાટાઘાટોનો ભાગ રહેશે.
૩- રશિયન વિદેશ મંત્રી લવરોવે કહ્યું હતું કે રાષ્ટ્રપતિ પુતિન અને ટ્રમ્પ વચ્ચે ટૂંક સમયમાં મુલાકાતનું આયોજન કરવામાં આવશે. રશિયા-અમેરિકા સંબંધોમાં અવરોધ ઉભો કરતી મુશ્કેલીઓ દૂર કરવામાં આવશે. યુક્રેનિયન સોદા પર જે પ્રક્રિયા- ટીમો બનાવવામાં આવશે તેના પર સંમતિ સધાશે, જેમાં અમેરિકા બાદ રશિયાના પ્રતિનિધિઓની નિમણૂક કરશે.
4-બેઠક દરમિયાન રશિયાએ તેની માંગણીઓને વધુ કડક બનાવવાનો સંકેત આપ્યો હતો. વિદેશ મંત્રાલયના પ્રવક્તા મારિયા ઝખારોવાએ મોસ્કોમાં પત્રકારોને જણાવ્યું હતું કે યુક્રેનને નાટો (ઉત્તર એટલાન્ટિક સંધિ સંગઠન) ના સભ્ય તરીકે સ્વીકાર ન કરવો "પૂરતું નથી". તેમણે કહ્યું કે ગઠબંધને પોતાના વચન પર પાછા ફરવું જોઈએ અને આગળ વધવું જોઈએ. 2008માં બુકારેસ્ટમાં એક શિખર સંમેલનમાં વચન આપવામાં આવ્યું હતું કે કિવ ભવિષ્યમાં ગઠબંધનમાં સામેલ થશે.
5- ઝખારોવાએ કહ્યું, "જો આવું નહીં થાય તો આ સમસ્યા યુરોપિયન ખંડના વાતાવરણને ઝેરી બનાવતી રહેશે." યુક્રેનિયન રાષ્ટ્રપતિ ઝેલેન્સકીએ સતત નાટો સભ્યપદની માંગ કરી છે. તે તેને કિવના સાર્વભૌમત્વ અને તેના પરમાણુ સશસ્ત્ર પાડોશીથી સ્વતંત્રતાની ખાતરી આપવાનો એકમાત્ર રસ્તો માને છે.
6- ઝેલેન્સકી અને અન્ય યુરોપિયન નેતાઓ ચિંતિત છે કે ટ્રમ્પ મોસ્કો સાથે ઉતાવળમાં એવો સોદો કરી શકે છે જે તેમના સુરક્ષા હિતોને અવગણશે અને પુતિનને ભવિષ્યમાં યુક્રેન અથવા અન્ય દેશોને ધમકી આપવા માટે મુક્ત છોડી દેશે. યુએસ-રશિયન પ્રતિનિધિઓની આ બેઠક યુરોપિયન નેતાઓ માટે પણ એક ફટકો છે જેઓ યુક્રેન સંકટના ઉકેલમાં મોટી ભૂમિકા ભજવવા માંગે છે.
7- દરમિયાન, યુક્રેનિયન રાષ્ટ્રપતિ ઝેલેન્સકીએ કહ્યું છે કે તેઓ એવી કોઈપણ વાતચીતને માન્યતા આપશે નહીં જેમાં તેઓ સામેલ ન હોય. રશિયન દળોએ તાજેતરમાં કુરાખોવ શહેરનો પણ કબજો મેળવ્યો છે અને પોક્રોવસ્ક શહેર તરફ ઉત્તરપૂર્વમાં આગળ વધવાનું ચાલુ રાખ્યું છે.
8- બીજી બાજુ યુક્રેન રશિયન સૈનિકોને નોંધપાત્ર નુકસાન પહોંચાડી રહ્યું છે, જેના કારણે પૂર્વીય મોરચા પર મોસ્કોના આક્રમણને ધીમું કરી રહ્યું છે. યુક્રેનનું બીજું સૌથી મોટું શહેર ખાર્કિવ રશિયન તોપખાનાની રેન્જની બહાર છે.
9- આ મહિનાની શરૂઆતમાં યુક્રેનિયન રાષ્ટ્રપતિ ઝેલેન્સકીએ પ્રદેશની અદલાબદલીનું સૂચન કર્યું હતુ. તેમના સૂચનમાં રશિયાના કુર્સ્ક સરહદી ક્ષેત્રમાં તાજેતરના મહિનાઓમાં યુક્રેન દ્વારા કબજે કરાયેલા વિસ્તારો અને 2014 થ ડોનેટ્સક અને લુહાન્સ્કમાં રશિયન સમર્થિત લડવૈયાઓ દ્વારા કબજામાં લેવાયેલી જમીનનો સમાવેશ થતો હતો.
10- આવતા અઠવાડિયે યુક્રેન પર રશિયાના લશ્કરી હુમલાને ત્રણ વર્ષ પૂર્ણ થશે. હાલની પરિસ્થિતિ એવી છે કે મોસ્કોનો પૂર્વીય ડોનબાસ ક્ષેત્રના મોટા ભાગ પર કબજો છે.
ટોપ સ્ટોરી
ટ્રેન્ડિંગ સમાચાર
