'જ્યાં સુધી કેનેડા ટેક્સ નહી હટાવે ત્યાં સુધી તેની સાથે કોઇ વાતચીત નહીં', ટ્રમ્પની મોટી જાહેરાત
US President Donald Trump: અમેઝોન, ગૂગલ અને મેટા જેવી અમેરિકન ટેક કંપનીઓને અસર કરશે
US President Donald Trump: અમેરિકન રાષ્ટ્રપતિ ડોનાલ્ડ ટ્રમ્પે ફોક્સ ન્યૂઝને આપેલા એક ઇન્ટરવ્યૂમાં કહ્યું હતું કે જ્યાં સુધી કેનેડા કેટલાક કર નાબૂદ ન કરે ત્યાં સુધી અમેરિકા અને કેનેડા વચ્ચે ચાલી રહેલી વેપાર વાટાઘાટો આગળ વધશે નહીં. તેમણે કેનેડાને "ખરાબ વર્તન" કરનારો દેશ ગણાવ્યો હતો.
તેમણે કહ્યું હતું કે તેઓ કેટલાક કર, ખાસ કરીને ડિજિટલ સર્વિસ ટેક્સ (DST) દૂર કરવાની માંગ કરી રહ્યા છે, જે સોમવારથી લાગુ થવા જઈ રહ્યો છે અને અમેઝોન, ગૂગલ અને મેટા જેવી અમેરિકન ટેક કંપનીઓને અસર કરશે. આ ઇન્ટરવ્યૂમાં ટ્રમ્પે એ પણ ખુલાસો કર્યો કે તેમને ટિકટોક માટે એક ખરીદનાર મળ્યો છે જે કેટલાક "ખૂબ જ ધનિક લોકો"નું જૂથ છે. તેઓ લગભગ બે અઠવાડિયામાં આ જૂથનું નામ જાહેર કરશે.
ઈરાન પર દાવો
આ જ વાતચીતમાં તેમણે ઈરાન વિશેના તેમના જૂના દાવાઓનો પણ દોહરાવ્યા હતા. ટ્રમ્પે કહ્યું હતું કે ઈરાનનો પરમાણુ કાર્યક્રમ નાશ પામ્યો છે અને તેમણે વિશ્વાસ વ્યક્ત કર્યો કે ઈરાન ટૂંક સમયમાં કોઈ પરમાણુ બોમ્બ બનાવી શકશે નહીં. તેમણે કહ્યું હતું કે, "તેઓ નજીકના ભવિષ્યમાં પરમાણુ શસ્ત્રો મેળવી શકશે નહીં. અમારે તેમના પર હુમલો કરવો પડ્યો કારણ કે તેઓ પરમાણુ બોમ્બ બનાવવાની નજીક હતા."
કેનેડાને ચેતવણી
શુક્રવારે અગાઉ ટ્રમ્પે તેમના સોશિયલ મીડિયા પ્લેટફોર્મ ટ્રુથ પર તમામ વેપાર વાટાઘાટો તાત્કાલિક સમાપ્ત કરવાની જાહેરાત પણ કરી હતી, જેમાં કેનેડાના ડિજિટલ સર્વિસ ટેક્સને "અમેરિકા પર સીધો અને સ્પષ્ટ હુમલો" ગણાવ્યો હતો.
તેમણે ચેતવણી પણ આપી હતી કે કેનેડિયન માલ પર નવા ટેરિફ આગામી સાત દિવસમાં જાહેર કરવામાં આવશે. કેનેડાના વડાપ્રધાન માર્ક કાર્નીએ હજુ સુધી આ અંગે જાહેરમાં કોઈ પ્રતિક્રિયા આપી નથી પરંતુ તેમની સરકારે ડિજિટલ સર્વિસ ટેક્સ લાદવાનો બચાવ કર્યો છે.
ટોપ સ્ટોરી
ટ્રેન્ડિંગ સમાચાર
