ભારત પર દબાણ કામ ન આવ્યું તો હવે ડોનાલ્ડ ટ્રમ્પે આ દેશોને ધમકાવ્યાઃ કહ્યું – તમે પણ ભારત પર અમેરિકા જેવા પ્રતિબંધ લગાવો
અમેરિકાએ રશિયા-યુક્રેન યુદ્ધના સંદર્ભમાં ભારત પર દબાણ વધાર્યું છે. US એ ભારત પર આરોપ લગાવ્યો છે કે તે રશિયન તેલ ખરીદીને યુદ્ધને આર્થિક રીતે મદદ કરી રહ્યું છે.
Donald Trump: રશિયા પાસેથી તેલ ખરીદવાને કારણે અમેરિકા અને ભારત વચ્ચેનો તણાવ ચરમસીમાએ પહોંચ્યો છે. યુએસએ ભારતીય માલ પર 50% સુધીના આકરા ટેરિફ લાદ્યા હોવા છતાં, ભારત રશિયા સાથેના વેપાર સંબંધો ચાલુ રાખવા મક્કમ છે. આથી, ટ્રમ્પ વહીવટીતંત્ર હવે યુરોપિયન દેશો પર દબાણ લાવી રહ્યું છે. વ્હાઇટ હાઉસે EU દેશોને વિનંતી કરી છે કે તેઓ પણ ભારત પર અમેરિકા જેવા જ કડક પ્રતિબંધો લાદે, જેમાં રશિયન તેલ અને ગેસની ખરીદી સંપૂર્ણપણે બંધ કરવાનો સમાવેશ થાય છે. આ આદેશ એવા સમયે આવ્યો છે જ્યારે વડાપ્રધાન મોદી ચીનમાં રશિયન અને ચીની નેતાઓ સાથે મહત્વપૂર્ણ બેઠક કરવાના છે.
અમેરિકાએ રશિયા-યુક્રેન યુદ્ધના સંદર્ભમાં ભારત પર દબાણ વધાર્યું છે. US એ ભારત પર આરોપ લગાવ્યો છે કે તે રશિયન તેલ ખરીદીને યુદ્ધને આર્થિક રીતે મદદ કરી રહ્યું છે. જોકે, ભારતે આ આરોપોને નકારીને પશ્ચિમી દેશોના બેવડા ધોરણો પર સવાલ ઉઠાવ્યો છે. હવે અમેરિકાના રાષ્ટ્રપતિ ડોનાલ્ડ ટ્રમ્પે યુરોપિયન દેશોને ભારત પર કડક પ્રતિબંધો લાદવા અને રશિયા પાસેથી તેલ-ગેસની ખરીદી બંધ કરવા આદેશ આપ્યો છે. આ આદેશને કારણે આગામી SCO સમિટમાં PM મોદી, શી જિનપિંગ અને પુતિન વચ્ચેની બેઠક વધુ મહત્વપૂર્ણ બની રહેશે.
અમેરિકાના આરોપો અને ભારતનો વળતો જવાબ
વોશિંગ્ટને ભારત પર આરોપ લગાવ્યો છે કે તે રશિયન ક્રૂડ તેલ ખરીદીને રશિયાને આર્થિક સહાય પૂરી પાડી રહ્યું છે, જે યુદ્ધને લંબાવી રહ્યું છે. આ આરોપોને પગલે અમેરિકાએ ભારતીય માલ પર 50% સુધીના ટેરિફ લાદ્યા છે. જવાબમાં ભારતે યુરોપિયન દેશો પર બેવડા ધોરણો અપનાવવાનો આરોપ લગાવ્યો. ભારતે કહ્યું કે યુરોપ અને ચીન બંને મોટા પાયે રશિયન તેલ અને ગેસની ખરીદી ચાલુ રાખી રહ્યા છે, પરંતુ તેમની સામે કોઈ કાર્યવાહી કરવામાં આવી નથી.
ટ્રમ્પનો ગુસ્સો અને EU પર દબાણ
ઇન્ડિયા ટુડેના અહેવાલ મુજબ, ટ્રમ્પ વહીવટીતંત્ર યુરોપિયન દેશોથી નારાજ છે. યુએસ અધિકારીઓ માને છે કે યુક્રેન પર દબાણ લાવવાને બદલે યુરોપિયન દેશો પોતાના 'વધુ સારા સોદા' માટે યુદ્ધને લંબાવી રહ્યા છે. આ જ કારણ છે કે ટ્રમ્પે હવે EU ને કડક સૂચનાઓ આપી છે. વ્હાઇટ હાઉસે યુરોપને સ્પષ્ટપણે કહ્યું છે કે તેઓ ભારત પાસેથી તેલ અને ગેસ ખરીદવાનું સંપૂર્ણપણે બંધ કરે અને ગૌણ ટેરિફ લાદે.
SCO સમિટમાં નિર્ણાયક બેઠક
આ આંતરરાષ્ટ્રીય રાજકીય દાવપેચ વચ્ચે, શાંઘાઈ કોઓપરેશન ઓર્ગેનાઇઝેશન (SCO) સમિટ ચીનના તિયાનજિન શહેરમાં યોજાઈ રહી છે. આ સમિટમાં PM નરેન્દ્ર મોદી, ચીનના રાષ્ટ્રપતિ શી જિનપિંગ અને રશિયન રાષ્ટ્રપતિ વ્લાદિમીર પુતિન વચ્ચે બેઠક થવાની છે. રાજદ્વારી સૂત્રોના જણાવ્યા અનુસાર, આ બેઠકમાં અમેરિકાના ટેરિફ અને રશિયા-યુક્રેન યુદ્ધ ચર્ચાના મુખ્ય મુદ્દાઓ રહેશે.
ટોપ સ્ટોરી
ટ્રેન્ડિંગ સમાચાર
