Corona: એક દિવસથી મરનારાઓના આંકડામાં અમેરિકાએ નોંધાવ્યો રેકોર્ડ, 24 કલાકમાં થયા આટલા બધા મોત

અમેરિકામાં હાલના સમયે સંક્રમિતોની સંખ્યા 6 લાખ 13 હજાર 886 પર પહોંચી છે, આમાંથી 5 લાખ 49 હજાર 19 એક્ટિવ કેસ છે

અમેરિકાના ડિપાર્ટમેન્ટ ઓફ હોમલેન્ડ સિક્યોરિટી (ડીએચએસ)એ કોર્ટને કહ્યું છે કે, ‘પ્રસ્તાવિત નિયમ મંજૂરીના અંતિમ ચરણમાં છે.’ ટ્રમ્પ સરકારે કોર્ટને કહ્યું છે કે, એક વાર પ્રસ્તાવ પર ડીએચએસના માધ્યમથી મંજૂરી મળી જશે તો તેને આગળ મોકલવામાં આવશે.

વૉશિંગટનઃ દુનિયાના સૌથી શક્તિશાળી દેશ અમેરિકામાં કોરોનાએ કેર મચાવ્યો છે, કોરોના સંક્રમિતોની સંખ્યા વધી રહી છે સાથે સાથે મોતનો આંકડો પણ ઝડપથી વધી રહ્યો છે. રિપોર્ટ પ્રમાણે અમેરિકામાં એક જ દિવસમાં રેકોર્ડ મૃત્યુનો આંકડો નોંધાયો છે. રિપોર્ટ છે કે, છેલ્લા 24 કલાકમાં અમેરિકામાં કોરોનાથી રેકોર્ડ 2228 લોકોએ કોરોનાના કારણે જીવ ગુમાવ્યા છે. આ એક દિવસમાં સૌથી વધુ મોત થવાનો રેકોર્ડ આંકડો છે. વેબસાઇટ વર્લ્ડઓમીટર અનુસાર, અમેરિકામાં હાલના સમયે સંક્રમિતોની સંખ્યા 6 લાખ 13 હજાર 886 પર પહોંચી છે, આમાંથી 5 લાખ 49 હજાર 19 એક્ટિવ કેસ છે. જ્યારે 13 હજાર 473 ગંભીર રીતે બિમાર છે. દેશમાં અત્યાર સુધી 26 હજાર 47 લોકોના મોત થઇ ચૂક્યા છે, જે કોઇપણ દેશ કરતાં સૌથી વધુ છે. વેબસાઇટ અનુસાર અમેરિકામાં અત્યાર સુધી 38 હજાર 820 લોકો સાજા થઇ ચૂક્યા છે. નોંધનીય છે કે, અમેરિકામાં સૌથી વધુ કોરોના પૉઝિટીવ કેસોના મોતની સંખ્યા ન્યૂયોર્કમાંથી સામે આવી છે, ન્યૂયોર્કમાં 10 હજાર 834 લોકો કાતિલ કોરોનાથી જીવ ગુમાવી ચૂક્યા છે. અહીં સૌથી વધુ 2 લાખ 3 હજાર 123 કેસો છે.