Pearl Farming: આ ખેતીથી ખેડૂતો બની રહ્યા છે ધનિક, તમે પણ કરી શકો છો આ કામ

Agriculture News: તમે જે મોતીની માળા પહેરો છો તેની હવે ખેતી થઈ રહી છે. વિશ્વભરમાં ઘણા ખેડૂતો તેની ખેતીમાંથી મોટી કમાણી કરી રહ્યા છે.

તસવીરનો ઉપયોગ પ્રસ્તુતિકરણ માટે કરવામાં આવ્યો છે

મોતીનો ઉપયોગ જ્વેલરી અને બ્યુટી પ્રોડક્ટ બનાવવામાં થાય છે. પાણીની અંદર શેલ-આકારની રચનામાં બહારના કણોના પ્રવેશથી મોતી રચાય છે. મોતીને તૈયાર થવામાં લગભગ 14 મહિના લાગે છે.

અત્યાર સુધી દરિયાના ઊંડાણમાંથી મોતી કાઢવામાં આવતા હતા. જ્યાં તેને સંપૂર્ણપણે કુદરતી રીતે તૈયાર કરવામાં આવી હતી.

. જો કે, બજારમાં મોતીની માંગ વધવાને કારણે હવે તેને તળાવ અને ટાંકીમાં તૈયાર કરવામાં આવી રહ્યા છે. સામાન્ય રીતે મોતીની ખેતી ઓક્ટોબરથી નવેમ્બર વચ્ચે કરવામાં આવે છે.

મોતીની ખેતી માટે પ્રારંભિક ખર્ચ આશરે રૂ.25,000 આવે છે. જેમાં ખેડૂત ભાઈઓ 500 શેલના નાના યુનિટમાંથી મોતીની ખેતી શરૂ કરી શકે છે.

દરેક શેલમાંથી એક મોતી મળે છે, જે બજારમાં 300 રૂપિયાથી લઈને 1500 રૂપિયા સુધીની કિંમતમાં વેચાય છે. એટલે કે, ખેડૂતો પ્રથમ ઉપજમાં જ 1,50,000 રૂપિયા સુધીની કમાણી કરી શકે છે.

મોતીની ખેતી માટે, સરકાર દ્વારા CIFA એટલે કે સેન્ટ્રલ ઇન્સ્ટિટ્યૂટ ઑફ ફ્રેશ વોટર એક્વાકલ્ચર નામની સંસ્થાની રચના કરવામાં આવી છે, જે ખેડૂતોને તેની ખેતી વિશે 15 દિવસની ફ્રી ટ્રેનિંગ આપે છે.