Amarnath Yatra 2023: અમરનાથ યાત્રામાં આવ્યા અમેરિકન શ્રદ્ધાળુઓ, બર્ફીલા બાબા દર્શન કરી કહી આ વાત

Amarnath Yatra 2023: હાલ જમ્મુ-કાશ્મીરમાં અમરનાથ યાત્રા ચાલી રહી છે જ્યાં ઘણા શ્રદ્ધાળુઓ દર્શન કરવા આવી રહ્યા છે, પરંતુ આ વખતે બે અમેરિકન નાગરિકો પણ ભગવાન શિવની પવિત્ર ગુફાના દર્શન કરવા પહોંચ્યા છે.

અમરનાથ યાત્રા

આવું કરનાર તે પ્રથમ વિદેશી તીર્થયાત્રી બની ગયા છે. જમ્મુ અને કાશ્મીર પ્રશાસનના માહિતી અને જનસંપર્ક વિભાગે આ યાત્રાળુઓ સાથે તેમના પ્રવાસના અનુભવ વિશે વાત કરી હતી.

આમાંથી એક વ્યક્તિએ કહ્યું કે અમે કેલિફોર્નિયામાં એક મંદિરના આશ્રમમાં રહીએ છીએ. તેણે કહ્યું કે છેલ્લા ઘણા સમયથી અમે અહીં મુલાકાત લેવા આવવા ઈચ્છતા હતા. છેલ્લા ઘણા સમયથી યુટ્યુબ પર દરરોજ આરતીના વીડિયો જોઈએ છીએ.