બેન્ક-કોર્ટથી લઇને IOCL સુધી, ફેબ્રુઆરી મહિનામાં આ જગ્યાઓ પર બહાર પડી ભરતી

વર્ષ 2025માં ફેબ્રુઆરી મહિનો પણ શરૂ થઈ ગયો છે. ભારતમાં કરોડો લોકો નોકરીની તૈયારી કરી રહ્યા છે. સરકારી નોકરીની તૈયારી કરી રહેલા લાખો યુવાનો માટે આ મહિને ખૂબ જ સારા સમાચાર આવ્યા છે.

પ્રતિકાત્મક તસવીર

વર્ષ 2025માં ફેબ્રુઆરી મહિનો પણ શરૂ થઈ ગયો છે. ભારતમાં કરોડો લોકો નોકરીની તૈયારી કરી રહ્યા છે. સરકારી નોકરીની તૈયારી કરી રહેલા લાખો યુવાનો માટે આ મહિને ખૂબ જ સારા સમાચાર આવ્યા છે.

ફેબ્રુઆરી મહિનામાં ઘણી સરકારી નોકરીઓ માટે ભરતી બહાર પડી છે. ઈન્ડિયન ઓઈલ કોર્પોરેશન લિમિટેડથી લઈને બેન્કો અને કોર્ટમાં ખાલી જગ્યાઓ બહાર પાડવામાં આવી છે. ઉપરાંત અનેક સરકારી કચેરીઓમાં જગ્યાઓ ખાલી હતી.

જો તમારે બેન્કમાં નોકરી કરવી હોય અને આ માટે તૈયારી કરી રહ્યા છે. તો તમારા માટે એક ગોલ્ડન તક છે. સેન્ટ્રલ બેન્કમાં ખાલી જગ્યાઓ માટે ભરતી બહાર પાડવામાં આવી છે. તાજેતરમાં સેન્ટ્રલ બેન્ક ઓફ ઈન્ડિયામાં ક્રેડિટ ઓફિસરની 1000 જગ્યાઓ ખાલી છે. આ ભરતી માટે ઓનલાઈન અરજીઓ પણ 30 જાન્યુઆરીથી શરૂ થઇ છે.

આ બેન્કની ભરતીમાં ઉમેદવારો 20 ફેબ્રુઆરી 2025 સુધી જ અરજી કરી શકે છે. આ માટે અરજી કરવા માટે આ લિંક www.centralbankofindia.co.in પર જાવ. ક્રેડિટ ઓફિસર્સની ભરતી ઉપરાંત સેન્ટ્રલ બેન્કે ઝોન બેઝ્ડ ઓફિસર્સની પણ ભરતી બહાર પાડી છે.

ઇન્ડિયન ઓઇલ કોર્પોરેશન લિમિટેડ (IOCL) માં સરકારી નોકરીની તૈયારી કરી રહેલા યુવાનો માટે ઘણી જગ્યાઓ બહાર પાડવામાં આવી છે. આમાં, ટ્રેડ/ટેકનિશિયન/સ્નાતક માટે એપ્રેન્ટિસ માટે ખાલી જગ્યા બહાર પાડવામાં આવી છે. આ ભરતી માટે અરજી કરવા માટે ઓનલાઈન અરજી સત્તાવાર વેબસાઈટ iocl.com પર આપી શકાય છે. આ ભરતી માટે અરજી કરવાની છેલ્લી તારીખ 13 ફેબ્રુઆરી 2025 નક્કી કરવામાં આવી છે.

ભારતની સુપ્રીમ કોર્ટમાં લો ક્લાર્ક-કમ-રિસર્ચ એસોસિએટની જગ્યાઓ માટે ભરતી બહાર પડી છે. કુલ 90 જગ્યાઓ માટે અરજીઓ મંગાવવામાં આવી છે. જેમાં પસંદગી પામેલા ઉમેદવારોને 80 હજાર રૂપિયા માસિક પગાર આપવામાં આવશે. ઉમેદવારો આ પદો માટે 7 ફેબ્રુઆરી 2025 સુધી અરજી કરી શકે છે. આ પદો માટે અરજી કરવા માટે સ્નાતકની ડિગ્રી હોવી જરૂરી છે.