Railway Recruitment 2023: યુવાનો માટે સારા સમાચાર, રેલવેમાં થશે લાખો ભરતી, જાણો ક્યારે અને કેવી રીતે અરજી કરવી

રેલ્વેમાં ટૂંક સમયમાં બમ્પર ભરતીઓ થવા જઈ રહી છે. કેન્દ્રીય રેલ્વે મંત્રી અશ્વિની વૈષ્ણવે રાજ્યસભામાં એક લેખિત જવાબમાં માહિતી આપી છે.

પ્રતિકાત્મક તસવીર

Railway Recruitment 2023: રેલ્વેએ તાજેતરમાં કોન્સ્ટેબલ અને સબ ઈન્સ્પેક્ટરની 9739 જગ્યાઓ, આસિસ્ટન્ટ લોકો પાઈલટ અને ટેકનિશિયન ગ્રેડની 27019 જગ્યાઓ, ગ્રુપ ડીની 62907 જગ્યાઓ, આરપીએફમાં 9500 પોસ્ટ અને રેલ્વે પોલીસની 798 જગ્યાઓ માટે તાજેતરમાં નોટિફિકેશન બહાર પાડ્યું છે. તે જ સમયે, એવા સમાચાર છે કે રેલવે ટૂંક સમયમાં બમ્પર ભરતી કરવા જઈ રહ્યું છે.

આ ભરતીઓ ભારતીય રેલ્વેના વિવિધ ઝોન અને વિભાગોમાં થવાની છે. જો તમે સરકારી નોકરી શોધી રહ્યા છો તો આ સમાચાર તમારા માટે છે. ભારતીય રેલ્વે ટૂંક સમયમાં 2,48,895 જગ્યાઓની ભરતી માટે સૂચના જારી કરવા જઈ રહી છે. કેન્દ્રીય રેલ મંત્રી અશ્વિની વૈષ્ણવે ખુદ રાજ્યસભામાં આ અંગે માહિતી આપી છે. સમાચાર અનુસાર, આ ભરતી અભિયાન દ્વારા આસિસ્ટન્ટ સ્ટેશન માસ્ટર, ટિકિટ કલેક્ટર, નોન-ટેક્નિકલ પોપ્યુલર કેટેગરી અને સિક્યુરિટી સ્ટાફની લાખો જગ્યાઓ ભરવામાં આવશે.