Ashram-3: જાણો મધ્ય પ્રદેશમાં ક્યાં છે 'બાબા નિરાલા'નો ભવ્ય આશ્રમ, મેકર્સે શૂટિંગ માટે આપી મોટી રકમ

આશ્રમ-3

આશ્રમ વેબ સિરીઝનું મોટાભાગનું શૂટિંગ ભોપાલ અને તેની આસપાસ કરવામાં આવ્યું છે. વેબ સિરીઝમાં બતાવવામાં આવેલ બાબા નિરાલાનો આશ્રમ ભોપાલમાં આવેલો નૂર અસ સબા પેલેસ છે.

18 એકરમાં ફેલાયેલા આ ભવ્ય મહેલને ભોપાલના છેલ્લા નવાબ હમીદુલ્લા ખાને તેમની પુત્રી આબિદા માટે તૈયાર કરાવ્યો હતો. આ મહેલનું નિર્માણ વર્ષ 1920માં કરવામાં આવ્યું હતું.

આશ્રમ 3ના શૂટિંગ માટે વેબ સીરીઝના નિર્માતાઓએ આ મહેલને ભાડે રાખ્યો હતો. આ મહેલને બે મહિના માટે શૂટિંગના હેતુ માટે ભાડે આપવામાં આવ્યો હતો. જેનું ભાડું 50 લાખની આસપાસ ચૂકવવામાં આવ્યું છે.

લાંબા સમયથી આ પેલેસને લક્ઝરી હોટલ તરીકે ચલાવવામાં આવી રહ્યો છે. જો તમે ઈચ્છો તો પૈસા ખર્ચીને આ મહેલની લક્ઝરીનો આનંદ માણી શકો છો.

જો તમે આ મહેલની અંદર રહેવા માંગતા હોવ તો તમારે એક રાત રોકાવા માટે 7 હજારથી 17 હજાર રૂપિયા ખર્ચવા પડી શકે છે.