ના સલમાન, ના અમિતાભ બચ્ચન, સાઉથના આ અભિનેતાએ લીધી હતી સૌ પ્રથમ 1 કરોડની ફી

Guess Who: આ અહેવાલમાં અમે તમને તે સુપરસ્ટારનો પરિચય કરાવવા જઈ રહ્યા છીએ. 1 કરોડની ફી લેનાર ઈન્ડસ્ટ્રીમાં સૌપ્રથમ કોણ છે. ખાસ વાત એ છે કે તે હિન્દી નહીં પરંતુ સાઉથ સિનેમાનો એક્ટર છે.

જ્યારે પણ બોલિવૂડના મોંઘા સ્ટાર્સની વાત થાય છે ત્યારે શાહરૂખ ખાન, અમિતાભ બચ્ચન અને સલમાન ખાન જેવા સ્ટાર્સના નામ આવે છે. જે આજે એક ફિલ્મ માટે કરોડો રૂપિયાની ફી લે છે. પરંતુ શું તમે જાણો છો કે ફિલ્મ ઈન્ડસ્ટ્રીનો તે અભિનેતા કોણ છે. જેમણે સૌપ્રથમ રૂ.1 કરોડની ફી લીધી હતી. હવે જો તમે વિચારી રહ્યા હોવ કે શું તે શાહરૂખ, સલમાન કે અમિતાભમાંથી કોઈ એક છે. તો ના આ ખોટું નામ છે. કારણ કે તે હિન્દી નહીં પરંતુ સાઉથ સિનેમાનો સુપરસ્ટાર છે. નામ જાણો....

80ના દાયકામાં બૉલીવુડ પર અમિતાભ બચ્ચનનું નામ છવાયેલું હતું. 10 લાખની ફી લેતા બિગ બીએ તેમની ફી વધારીને 50 લાખ કરી દીધી હતી, જેના કારણે તેઓ તે સમયના સૌથી વધુ ફી લેતા અભિનેતા બની ગયા હતા.

પરંતુ જેવો 90નો દાયકો આવ્યો, અમિતાભ બચ્ચનનો જાદુ થોડો ઓસરવા લાગ્યો. તેમની ટક્કર કોઈ હિન્દી ફિલ્મ સ્ટાર સાથે નહીં, પરંતુ સાઉથ સિનેમાના સુપરસ્ટાર ચિરંજીવી સાથે થઈ હતી.

ચિરંજીવી માત્ર આજના સમયમાં જ નહીં, પરંતુ 90ના દાયકામાં પણ બૉક્સ ઓફિસ પર રાજ કરતા હતા. તે સમયે માત્ર ચિરંજીવી જ હતા જેમણે ફી બાબતે અમિતાભ બચ્ચનને પણ પાછળ છોડી દીધા હતા.

થોડી જ ફિલ્મો દ્વારા ચિરંજીવીએ એવું સ્ટારડમ મેળવી લીધું હતું કે તેમણે બિગ બી કરતાં બમણી ફી લેવાનું શરૂ કરી દીધું. આમ, ચિરંજીવી ફિલ્મ ઈન્ડસ્ટ્રીના પ્રથમ અભિનેતા બન્યા જેમને 1 કરોડ રૂપિયાની ફી મળી હતી.

'આપદબંધવુડુ' ફિલ્મ માટે તો ચિરંજીવીએ ₹1.25 કરોડ ચાર્જ કર્યા હતા, જે એક નવો રેકોર્ડ હતો.

1992માં ચિરંજીવીનો ફોટો 'ધ વીક'ના કવર પર છપાયો હતો, જેમાં કેપ્શન હતું 'બિગર ધેન બચ્ચન'.

તે સમયે રજનીકાંત, શાહરુખ ખાન જેવા સ્ટાર્સ એક ફિલ્મ માટે 60-80 લાખ રૂપિયાની ફી ચાર્જ કરતા હતા.