Gadar 2 Box Office Collection Day 25 : સની દેઓલની ફિલ્મ Gadar 2 એ કરી 500 કરોડ રૂપિયાની કમાણી

Gadar 2 Box Office Collection 25: સની દેઓલ અને અમીષા પટેલની ફિલ્મ ગદર 2 આખરે 500 કરોડ રૂપિયાની ક્લબમાં સામેલ થઈ ગઈ છે. ગદર 2નું કલેક્શન ઘટી રહ્યું હતું.

ફોટોઃ ઇન્સ્ટાગ્રામ

Gadar 2 Box Office Collection 25: સની દેઓલ અને અમીષા પટેલની ફિલ્મ ગદર 2 આખરે 500 કરોડ રૂપિયાની ક્લબમાં સામેલ થઈ ગઈ છે. ગદર 2નું કલેક્શન ઘટી રહ્યું હતું.

જે બાદ એવું લાગી રહ્યું હતું કે ગદર 2 માટે 500 કરોડ રૂપિયાની કમાણી કરવી થોડી મુશ્કેલ હશે પરંતુ ફિલ્મે માત્ર 25 દિવસમાં 500 કરોડ રૂપિયાનું કલેક્શન પાર કરી લીધું છે.

sacnilk.comના રિપોર્ટ અનુસાર, ફિલ્મ 25માં દિવસે 2.50 કરોડનો બિઝનેસ કરી શકે છે. જેમાં 'ગદર 2' 504 કરોડનો બિઝનેસ કરશે.

જોકે, ફિલ્મના ત્રીજા સપ્તાહના કલેક્શનમાં સતત ઘટાડો જોવા મળી રહ્યો છે. ફિલ્મે ત્રીજા સપ્તાહના શુક્રવારે 5.2 કરોડની કમાણી કરી હતી.

ફિલ્મે શનિવારે 5.72 કરોડનું કલેક્શન કર્યું હતું, જ્યારે રવિવારે ફિલ્મે 7.80 કરોડની કમાણી કરી હતી અને સોમવારે એટલે કે (4 સપ્ટેમ્બર) ફિલ્મ 2.50 કરોડનો બિઝનેસ કરશે.

'ગદર 2' 11 ઓગસ્ટના રોજ થિયેટર્સમાં રિલીઝ થઈ હતી અને પહેલા જ દિવસથી જ ફિલ્મનો જબરદસ્ત ક્રેઝ જોવા મળ્યો હતો. ફિલ્મે માત્ર બે દિવસમાં 50 કરોડનો આંકડો પાર કરી લીધો હતો.

ગદર 2 ની ભવ્ય સફળતા પછી સની દેઓલે તાજેતરમાં એક ભવ્ય પાર્ટી આપી હતી જેમાં કિંગ ખાનથી લઈને સલમાન ખાન સુધીના સ્ટાર્સ હાજર રહ્યા હતા.