Karwachauth Special: શિલ્પા શેટ્ટીથી લઇને રકુલ પ્રીત સુધી, બોલિવૂડ એક્ટ્રેસે કરી કરવા ચોથની ઉજવણી

Karwachauth 2024: કરવા ચોથના અવસર પર બોલિવૂડ સેલેબ્સે સોશિયલ મીડિયા પર ઘણી બધી તસવીરો શેર કરી છે. શિલ્પા શેટ્ટીથી લઈને પરિણિતી ચોપરા સુધી બધાએ મહેંદી અને સિંદૂર લગાવ્યા હતા.

All Photo Credit: Instagram

Karwachauth 2024: કરવા ચોથના અવસર પર બોલિવૂડ સેલેબ્સે સોશિયલ મીડિયા પર ઘણી બધી તસવીરો શેર કરી છે. શિલ્પા શેટ્ટીથી લઈને પરિણિતી ચોપરા સુધી બધાએ મહેંદી અને સિંદૂર લગાવ્યા હતા. આ દિવસે અભિનેત્રીઓ પોશાક પહેરે છે અને પૂજા કરે છે અને તે પછી તેઓ તેમના ખાસ દિવસના ફોટા પણ શેર કરે છે.

રવિના ટંડન દર વર્ષે ખૂબ જ ધામધૂમથી કરવા ચોથનો તહેવાર ઉજવે છે. તેણે સોશિયલ મીડિયા પર કરવા ચોથની ઉજવણીની તસવીરો શેર કરી છે. જેમાં તે પોતાના પતિ સાથે સમય પસાર કરતી જોવા મળી રહી છે.

સોનમ કપૂર કરવા ચોથનું વ્રત નથી રાખતી પરંતુ દર વર્ષે આ તહેવારને ખૂબ જ ધામધૂમથી ઉજવે છે. સોનમે સોશિયલ મીડિયા પર તેના લુકની ઘણી તસવીરો શેર કરી છે.

અભિનેત્રી મૌની રોય પતિ સૂરજ માટે કરવા ચોથનું વ્રત રાખે છે. મૌનીએ કરવા ચોથની ઉજવણીના ફોટા શેર કર્યા છે.

કેટરિના કૈફ દરેક કરવા ચોથ આખા પરિવાર સાથે ઉજવે છે. દર વર્ષે કરવા ચોથ પર આ કપલ કેટરિનાની સાસુ સાથે જોવા મળે છે. આ વર્ષે પણ તેણે આ ખાસ દિવસ પોતાના પરિવાર સાથે ખૂબ જ ધામધૂમથી ઉજવ્યો હતો

લગ્ન પછી કૃતિ ખરબંદાની આ પહેલી કરવા ચોથ છે. તેણે પતિ પુલકિત સમ્રાટ સાથે રોમેન્ટિક સ્ટાઈલમાં કરવા ચોથની ઉજવણી કરી હતી. પુલકિત તેની પત્ની પર ઘણો પ્રેમ વરસાવતો જોવા મળ્યો હતો.

લગ્ન પછી રકુલ પ્રીતની પણ આ પહેલી કરવા ચોથ હતી. પીઠમાં ઈજા થઈ હોવા છતાં તેમણે ઉપવાસ રાખ્યા હતા. રકુલની સાથે તેના પતિ જેકીએ પણ તેના માટે ઉપવાસ રાખ્યો હતો.

પરિણીતી ચોપરા અને રાઘવ ચઢ્ઢાએ ખૂબ જ મસ્તી સાથે કરવા ચોથની ઉજવણી કરી. પરિણીતીએ તસવીરો શેર કરી છે. કેટલાકમાં તે પરીનું સિંદૂર લગાવી રહ્યો છે તો કેટલીકમાં તે મસ્તી કરતા પરિણીતીના વાળ ખેંચી રહ્યો છે.

શિલ્પા શેટ્ટીએ બોલિવૂડની તમામ પત્નીઓ સાથે કરવા ચોથની ઉજવણી કરી. શિલ્પાએ એક વીડિયો શેર કર્યો છે. જેમાં તે રેડ કલરના ડ્રેસમાં ખૂબ જ ક્યૂટ લાગી રહી છે.