એક સમયે 250 રૂપિયા પ્રથમ પગાર હતો, પછી ટીવીની સૌથી વધુ પગાર લેતી અભિનેત્રી બની, પરંતુ પતિની 3 શરતો અને ડૂબી ગયું 'દયાબેન'ની કારકિર્દી?

Disha Vakani Career: દિશા વકાણીએ કરિયરની શરૂઆત થિયેટરમાં સ્ટેજ આર્ટિસ્ટ તરીકે કરી હતી. એક શોથી દિશાએ ઘરે ઘરે ઓળખ બનાવી લીધી હતી. પરંતુ પછી અભિનેત્રીએ પરિવારના કારણે અભિનય કરવાનું છોડી દીધું.

દિશાએ ઘણી ટીવી સિરિયલોમાં કામ કર્યું. તે શુભ મંગલ સાવધાન, ખિચડી, ઈન્સ્ટન્ટ ખિચડી, હીરો ભક્તિ હી શક્તિ હૈ અને આહટ વગેરે ટીવી શોમાં દેખાઈ ચૂકી છે. આ ઉપરાંત તેણે સીઆઈડીમાં પણ કામ કર્યું. જોકે, દિશાને શોહરતની બુલંદીઓ પર સિરિયલ તારક મહેતા કા ઉલ્ટા ચશ્માએ પહોંચાડી.

'તારક મહેતા કા ઉલ્ટા ચશ્મા' છેલ્લા 16 વર્ષોથી નોન સ્ટોપ દર્શકોનું મનોરંજન કરી રહ્યું છે. આ ફેમિલી ડ્રામા શોમાં બધાના આઇકોનિક કેરેક્ટર્સ છે. પરંતુ શોમાં દયાબેનના પાત્રને સૌથી વધુ પસંદ કરવામાં આવ્યું. 'દયાબેન'એ પોતાનો અવાજ અને સેન્સ ઓફ હ્યુમરના બળે દર્શકોને આકર્ષિત કર્યા છે.

જોકે, દિશા વકાણી ટીવી સ્ક્રીનથી ઘણા વર્ષોથી દૂર છે. શોમાં દિશા વકાણી દયાબેનનો રોલ ભજવી રહી હતી. પરંતુ પછી તે વચ્ચે મેટરનિટી લીવ પર ગઈ અને તેણે શોમાં પાછા ફરી જ નહીં. દિશાએ શો છોડી દીધો અને તે પોતાનું ધ્યાન બાળકોના ઉછેર પર આપી રહી છે.

દિશા વકાણીએ એક શોથી જ ઘરે ઘરે ઓળખ બનાવી, ત્યારબાદ અભિનેત્રી ટીવીની સૌથી વધુ પગાર લેતી અભિનેત્રીઓમાં ગણાતી રહી. પરંતુ જ્યારે દિશા વકાણીના પરિવારનો વારો આવ્યો ત્યારે તેણે કરિયરના શિખર પર જ કરિયર છોડવામાં વાર ન લગાડી.

'તારક મહેતા કા ઉલ્ટા ચશ્મા' છોડ્યાને દિશા વકાણીને સાત વર્ષ થઈ ગયા છે. પરંતુ આજે પણ દર્શકો શોમાં દયાબેનને જોવા માટે આતુર છે. ઘણી વખત 'તારક મહેતા...'ના મેકર્સ પણ કહી ચૂક્યા છે કે તેમને પણ આશા છે કે દિશા વકાણી શોમાં પાછી આવી જશે.

દિશા વકાણીને ઈન્ડસ્ટ્રીથી દૂર થયાને સાત વર્ષ થઈ ગયા છે. દર્શકોની નજરમાં આજે પણ અભિનેત્રી કોઈ સ્ટારથી ઓછી નથી. દૈનિક ભાસ્કરના એક રિપોર્ટ મુજબ દિશા વકાણીના પતિ મયૂર ઈચ્છતા હતા કે અભિનેત્રી બાળકોનો ઉછેર કરે અને કરિયર છોડી દે.

રિપોર્ટ્સ મુજબ, દિશા વકાણીના પતિએ ત્રણ શરતો મૂકતા કહ્યું હતું કે અભિનેત્રીની ફી વધારવામાં આવે. સાથે જ સેટ પર તેમના માટે એક પર્સનલ નર્સરી પણ રાખવામાં આવે. આ ઉપરાંત દિશા દિવસમાં માત્ર 3 કલાક જ કામ કરશે. જોકે દિશાના પતિએ એક ઈન્ટરવ્યૂમાં આ બધી વાતોનું ખંડન કર્યું હતું.

જણાવી દઈએ કે 'દયાબેન' ઉર્ફે દિશા વકાણી આજે પોતાની મેરીડ લાઈફમાં વ્યસ્ત છે. તેણે મયૂર પાડિયા સાથે લગ્ન કર્યા છે. બંનેએ થોડો સમય ડેટ કર્યા બાદ લવ મેરેજ કર્યા હતા.

દિશા વકાણીની પતિ મયૂર વાડિયા સાથે મુલાકાત એક કામના સિલસિલામાં થઈ હતી. પહેલી મુલાકાતમાં જ બંનેને એકબીજા સાથે એક સુંદર કનેક્શનનો અહેસાસ થયો. દિશા પોતાની પર્સનલ લાઈફને પ્રાઈવેટ રાખવાનું પસંદ કરે છે.

દિશા વકાણીના પતિ મયૂર પાડિયા અભિનયની દુનિયાથી ખૂબ દૂર છે. તેમના પતિ એક ચાર્ટર્ડ એકાઉન્ટન્ટ છે. દિશાને બે બાળકો છે. વર્ષ 2017માં તેણે એક દીકરીને જન્મ આપ્યો હતો, જેનું નામ સ્તુતિ છે. જ્યારે 2022માં તે એક દીકરાની માતા બની હતી.