હિના ખાનથી લઈને શિવાંગી જોશી સુધી, ટીવીની આ સંસ્કારી પુત્રવધૂઓએ કેટલો કર્યો છે અભ્યાસ ?

પોતાના શાનદાર અભિનય અને સંસ્કારી વહુઓના પાત્રોથી દર્શકોના દિલ જીતી લેનારી આ અભિનેત્રીઓ હવે ઘર-ઘરમાં જાણીતી બની ગઈ છે. પરંતુ શું તમે જાણો છો કે હિના ખાનથી લઈને શિવાંગી જોશીએ કેટલો અભ્યાસ કર્યો છે?

નાના પડદા પર પોતાના શાનદાર અભિનય અને સંસ્કારી વહુઓના પાત્રોથી દર્શકોના દિલ જીતી લેનારી આ અભિનેત્રીઓ હવે ઘર-ઘરમાં જાણીતી બની ગઈ છે. પરંતુ શું તમે જાણો છો કે હિના ખાનથી લઈને શિવાંગી જોશી સુધીની આ પ્રખ્યાત ટીવીની પુત્રવધૂઓએ કેટલો અભ્યાસ કર્યો છે. ? ચાલો જાણીએ તેમની શૈક્ષણિક લાયકાત.

'યે રિશ્તા ક્યા કહેલાતા હૈ'માં સંસ્કારી વહુનો રોલ ભજવનાર અભિનેત્રી હિના ખાને સ્કૂલનો અભ્યાસ કાશ્મીરથી કર્યો છે. ત્યારબાદ વર્ષ 2009માં તેણે હરિયાણાના ગુરુગ્રામની એક મેનેજમેન્ટ કોલેજમાંથી MBAનો અભ્યાસ કર્યો છે.

રૂબીના દિલૈકે પોતાનો પ્રારંભિક અભ્યાસ શિમલાથી પૂરો કર્યો છે. ત્યારબાદ અભિનેત્રીએ St. Bede's College, શિમલાથી અંગ્રેજી સાહિત્યમાં ગ્રેજ્યુએશન કર્યું હતું.

દેવોલીના ભટ્ટાચાર્યએ આસામના શિવસાગર સ્થિત ગોધૂલી બ્રાઉન મેમોરિયલ ઇંગ્લિશ હાઈસ્કૂલમાંથી અભ્યાસ કર્યો. દેવોલીનાએ બી.કોમ અને નેશનલ ઇન્સ્ટિટ્યૂટ ઑફ ફેશન ટેકનોલોજીમાંથી ફેશન ડિઝાઇનિંગનો અભ્યાસ કર્યો છે.

દિવ્યાંકા ત્રિપાઠીનો અભ્યાસ તેમના વતન ભોપાલમાં થયો છે. ત્યારબાદ તેમણે ભોપાલની જ સરોજિની નાયડુ સરકારી કન્યા પીજી કોલેજમાંથી ગ્રેજ્યુએશનની ડિગ્રી મેળવી છે. દિવ્યાંકાએ ઉત્તરાખંડના નેહરુ ઇન્સ્ટિટ્યૂટ ઑફ માઉન્ટેનિયરિંગ ઉત્તરકાશીમાંથી પર્વતારોહણનો કોર્સ પણ કર્યો છે. તેઓ ભોપાલ રાઇફલ એકેડમીમાંથી NCC દરમિયાન રાઇફલ શૂટિંગમાં ગોલ્ડ મેડલ જીતી ચૂક્યા છે.

અંકિતા લોખંડેએ પોતાનો પ્રારંભિક અને કોલેજનો અભ્યાસ ઇન્દોર, મધ્ય પ્રદેશથી જ પૂરો કર્યો હતો. અભ્યાસ પૂરો કર્યા પછી તેઓ અભિનયમાં કારકિર્દી બનાવવા માટે 2005માં મુંબઈ ગયા હતા.

દીપિકા કક્કડે પોતાનું સ્કૂલિંગ CBSE બોર્ડ સ્કૂલમાંથી કર્યું છે. 12મા ધોરણ પછી તેમણે મુંબઈ યુનિવર્સિટીમાંથી ગ્રેજ્યુએશન કર્યું હતું.

શિવાંગી જોશીએ પોતાનું શાળાકીય શિક્ષણ દેહરાદૂનની પાઈન હોલ સ્કૂલમાંથી પૂરું કર્યું છે. તેઓ 12મું પાસ છે. અભ્યાસ પૂરો કર્યા પછી તેમણે પોતાનું સંપૂર્ણ ધ્યાન અભિનય તરફ વાળ્યું હતું.