Drinking Tea After Meals: લંચ પછી તરત ચા કેમ ન પીવી જોઈએ? જાણો નિષ્ણાતો શું કહે છે

Drinking Tea After Meals: ઘણા લોકોને ખાવાનું પૂરું થતાં જ ચા પીવાની આદત હોય છે, પરંતુ આ આદત સ્વાસ્થ્ય માટે નુકસાનકારક સાબિત થાય છે. ચામાં રહેલા ટેનિન અને કેફીન શરીરમાં આયરનના શોષણને અટકાવે છે.

પ્રતિકાત્મક તસવીર

લંચ પછી તરત ચા પીવાથી, શાકભાજી અને દાળમાંથી મળતું આયરન યોગ્ય રીતે શોષાતું નથી અને સમય જતાં એનિમિયાનું જોખમ વધી જાય છે. ખાસ કરીને મહિલાઓ અને બાળકોમાં.

ચામાં રહેલું કેફીન ખાવા પછી તરત પેટમાં એસિડિટી વધારી શકે છે. જેના કારણે પેટ ફૂલવું અને ગેસ જેવી સમસ્યાઓ ઊભી થાય છે. તેથી લંચ પછી તરત ચા પીવી ટાળવી જોઈએ.

ચા માત્ર આયરનની અછત જ નથી કરતી પરંતુ ઝિંક, મેગ્નેશિયમ અને કેલ્શિયમ જેવા જરૂરી ખનિજોના શોષણ પર પણ નકારાત્મક અસર કરે છે. જેના કારણે હેલ્ધી ખોરાક લેતા હોવા છતાં શરીરને પૂરતું પોષણ મળતું નથી.

લંચ પછી તરત ચા પીવાથી શરીરની કુદરતી પાચન પ્રક્રિયા બાધિત થાય છે. મેટાબોલિઝમ ધીમું પડી જાય છે અને વજન વધવાની શક્યતા પણ રહે છે. આરોગ્ય નિષ્ણાતો અનુસાર લંચ બાદ ઓછામાં ઓછા 50થી 60 મિનિટ પછી ચા પીવી વધુ યોગ્ય માનવામાં આવે છે.

Disclaimer: અહીં, પૂરી પાડવામાં આવેલ વિગતો માત્ર ધારણાઓ અને માહિતી પર આધારિત છે. એબીપી અસ્મિતા કોઈપણ પ્રકારની માન્યતા, માહિતીને સમર્થન આપતું નથી.