ફૂડ દ્વારા માઈક્રોપ્લાસ્ટિક્સ લીવર અને કીડની કરતાં અનેક ગણું વધારે મગજમાં જમા થઈ રહ્યું છે, રિસર્ચમાં થયો મોટો ખુલાસો

મીઠું અને ખાંડમાં માઇક્રોપ્લાસ્ટિક હોય છે તે સાંભળીને લોકોને ખૂબ જ આશ્ચર્ય થયું. પરંતુ હવે સમાચાર આવી રહ્યા છે કે માનવ મગજમાં લગભગ 0.5 ટકા પ્લાસ્ટિક જમા થઈ ગયું છે.

આ સંશોધનમાં ચોંકાવનારો ખુલાસો થયો છે કે શરીરના ભાગોમાં પ્લાસ્ટિકના નાના કણો જમા થઈ રહ્યા છે. માઈક્રોપ્લાસ્ટિક્સ પ્રાઈવેટ પાર્ટથી લઈને મગજમાં જમા થઈ રહ્યા છે. માઇક્રોપ્લાસ્ટિક્સ ખૂબ જ નાના ટુકડાઓ છે.

આ માઇક્રોપ્લાસ્ટિક્સનું કદ 5 મિલીમીટર અથવા 1 નેનોમીટરથી ઓછું હોઈ શકે છે. આ પ્લાસ્ટિક ખાવા પીવા દ્વારા શરીરની અંદર એકઠું થાય છે. છેલ્લા 8 વર્ષમાં મગજમાં વધુ પડતું પ્લાસ્ટિક જમા થયું છે.

સીએનએનના રિપોર્ટ અનુસાર, વર્ષ 2024માં લેબમાં એક ડેડ બોડીની સંપૂર્ણ તપાસ કરવામાં આવી હતી. પછી માઇક્રોપ્લાસ્ટિક્સ પર સંશોધન કરવામાં આવ્યું. જેમાં તે વ્યક્તિની ઉંમર 45 કે 50 હતી.

તે વ્યક્તિના મગજમાં 4800 માઈક્રોગ્રામ પ્લાસ્ટિક એકઠું થયું હોવાનું જોવા મળ્યું હતું. મતલબ કે આજે આપણું મગજ 99.5% મગજ છે અને બાકીનું પ્લાસ્ટિક છે.

અમેરિકામાં ન્યુ મેક્સિકો યુનિવર્સિટીમાં ફાર્માસ્યુટિકલ સાયન્સના રીજન્ટ્સ પ્રોફેસર અને અભ્યાસના મુખ્ય લેખક મેથ્યુ કેમ્પેને જણાવ્યું હતું કે 2016ની સરખામણીમાં આ પાછલા વર્ષોમાં પ્લાસ્ટિક વધુ ઝડપથી એકઠું થઈ રહ્યું છે. જેના કારણે રોગોનો ખતરો વધી ગયો છે.

પ્લાસ્ટિકના નાના કણો મગજ પર ખૂબ જ ખરાબ અસર કરે છે. ડેડ બોડીના ટેસ્ટમાં જાણવા મળ્યું છે કે કિડની અને લીવરની સરખામણીમાં મગજમાં વધુ પ્લાસ્ટિક જમા થયું છે.