કરોડો EPF કર્મચારીઓ માટે ખુશખબર! પગારમાં થઈ શકે છે જંગી વધારો, જાણો લેટેસ્ટ અપડેટ

EPF contribution limit 2025: સરકાર EPFOની વેતન મર્યાદા ₹15,000 થી વધારીને ₹21,000 કરવા વિચારી રહી છે, લાખો કર્મચારીઓને થશે ફાયદો.

EPS limit ₹21000 update: કર્મચારી ભવિષ્ય નિધિ (EPF) ખાતાધારકો માટે એક સારા સમાચાર આવી શકે છે. સરકાર ટૂંક સમયમાં EPFO માટે નવી માર્ગદર્શિકા બહાર પાડી શકે છે, જેમાં વેતન મર્યાદાને લઈને મોટો ફેરફાર થવાની સંભાવના છે. હાલમાં, EPFO હેઠળ કર્મચારીઓ અને નોકરીદાતાઓ દ્વારા મૂળ પગારના 12 ટકા યોગદાન આપવામાં આવે છે, જેમાં વેતન મર્યાદા ₹15,000 નક્કી કરવામાં આવી છે. પરંતુ મીડિયા રિપોર્ટ્સ અનુસાર, સરકાર હવે આ મર્યાદામાં વધારો કરવાની તૈયારી કરી રહી છે.

મીડિયા રિપોર્ટ્સમાં જણાવ્યા અનુસાર, સરકાર હવે આ વેતન મર્યાદા વધારીને ₹21,000 કરી શકે છે. જો આ ફેરફાર લાગુ કરવામાં આવે તો લાખો કર્મચારીઓ અને નોકરીદાતાઓને તેનો સીધો ફાયદો થશે.

હાલના નિયમો અનુસાર, જે કર્મચારીઓનો મૂળ પગાર ₹15,000 અથવા તેનાથી ઓછો છે, તેઓ કર્મચારી ભવિષ્ય નિધિ (EPF) અને કર્મચારી પેન્શન યોજના (EPS)નો લાભ મેળવે છે. આ નિયમ મુજબ, કર્મચારી અને નોકરીદાતા બંનેએ પગારના 12 ટકા EPFમાં જમા કરાવવાના હોય છે. નોકરીદાતાના 12 ટકા યોગદાનમાંથી 8.33 ટકા હિસ્સો EPS તરફ જાય છે, જેની મહત્તમ મર્યાદા ₹1,250 છે.