માસ્કડ આધાર કાર્ડ કઈ રીતે ડાઉનલોડ કરશો, જાણો એકદમ સરળ સ્ટેપ

આધારકાર્ડ સૌથી મહત્વનું દસ્તાવેજ માનવામાં આવે છે. તમામ સરકારી કામોમાં આધારની જરુર પડે છે.

પ્રતિકાત્મક તસવીર

હોટેલમાં ચેક ઇન કરતી વખતે ગ્રાહક પાસેથી ID માંગવામાં આવે છે. જવાબમાં મોટાભાગના ગ્રાહકો રિસેપ્શન પર તેમના આધાર કાર્ડને આપે છે. હોટલ આ આધાર કાર્ડની ઝેરોક્ષ કોપી લઈને પોતાની પાસે રાખે છે. શું તમે ક્યારેય વિચાર્યું છે કે આ આધાર કાર્ડની ફોટોકોપીનો પણ દુરુપયોગ થઈ શકે છે ?

તેનાથી બચવા માટે તમે માસ્ક્ડ કરેલા આધાર કાર્ડનો ઉપયોગ કરી શકો છો. માસ્ક્ડ કરેલા આધાર કાર્ડમાં આધાર નંબરના પહેલા 8 અંક છુપાયેલા હોય છે. માત્ર છેલ્લા 4 અંકો જ દેખાય છે. આ તમારી ગોપનીયતા અને સુરક્ષાને વધારે છે. આ આધાર કાર્ડનું વર્ઝન છે. તમે તેનો ઉપયોગ આધાર કાર્ડની જેમ કરી શકો છો. તમને જણાવી કે તેને કેવી રીતે ડાઉનલોડ કરવું.

Masked Aadhaar Card માટે સૌથી પહેલા Uidai ની વેબસાઈટ https://uidai.gov.in/ પર આવો. હવે તમારે વેબસાઈટ પર ‘My Aadhaar’ ના વિકલ્પ પર ક્લિક કરવાનું રહેશે.

હવે તમારે આધાર નંબર નાખીને કેપ્ચા ભરવાનો રહેશે. હવે તમારા નંબર પર OTP મોકલવામાં આવશે.તમારે OTP ભરીને વેરિફિકેશન પ્રક્રિયા પૂર્ણ કરવી પડશે.

વેરિફિકેશન પૂર્ણ થયા બાદ તમને ડાઉનલોડ વિકલ્પ મળશે. તમે તેના પર ક્લિક કરો.હવે તમને એક ચેકબોક્સ મળશે, જેમાં તમને પૂછવામાં આવશે કે શું તમારે માસ્ક કરેલ આધાર કાર્ડ જોઈએ છે? આના પર ક્લિક કરો. હવે તમારું માસ્ક કરેલ આધાર કાર્ડ ડાઉનલોડ થશે.

માસ્ક્ડ કરેલા આધાર કાર્ડનો ઉપયોગ કરીને તમે મોટી છેતરપીંડીથી બચી શકો છો. શક્ય હોય ત્યાં સુધી આ કાર્ડ તમે કોઈ જગ્યાએ આપી શકો છો.