શેરબજારના રોકાણકારોને રાહત, હવે આ 'ભૂલ'ને કારણે ડીમેટ એકાઉન્ટ ફ્રીઝ નહીં થાય

Demat Account Nominee Update: સેબીના અગાઉના નિર્ણય મુજબ, 30 સપ્ટેમ્બર 2023 સુધીમાં જે ડીમેટ એકાઉન્ટ્સમાં નોમિની ઉમેરવામાં આવશે નહીં તે ફ્રીઝ કરવામાં આવશે, પરંતુ આ છેલ્લી તારીખ લંબાવવામાં આવી છે.

પ્રતિકાત્મક તસવીર

SEBI Decision on Demat Account Nominee: ડીમેટ ખાતાધારકો માટે મોટી રાહતના સમાચાર છે. સ્ટોક માર્કેટ રેગ્યુલેટર સેબી (સિક્યોરિટીઝ એન્ડ એક્સચેન્જ બોર્ડ ઓફ ઈન્ડિયા) એ હાલના ડીમેટ ખાતા ધારકો માટે નોમિની ઉમેરવાની છેલ્લી તારીખ ત્રણ મહિના સુધી લંબાવી છે.

જો તમારી પાસે ડીમેટ ખાતું છે અને તમે તેમાં નોમિનેશનનું કામ પૂર્ણ કર્યું નથી, તો હવે તમારી પાસે આ કામ પૂર્ણ કરવા માટે 31મી ડિસેમ્બર સુધીનો સમય છે. અગાઉ, તમારા ડીમેટ ખાતાઓમાં નોમિની ઉમેરવાની છેલ્લી તારીખ 30મી સપ્ટેમ્બર હતી. આ રીતે તેને ત્રણ મહિના માટે લંબાવવામાં આવ્યો છે.