શોધખોળ કરો

Weather Update: ચોમાસું બેસે તે પહેલા જ આકાશમાંથી વરસી રહી છે સખત 'લૂ', ક્યારે મળશે ગરમીથી રાહત... IMD એ આપ્યું મોટુ અપડેટ

કાળઝાળ ગરમીથી પરેશાન દિલ્હી-એનસીઆરના લોકો માટે છેલ્લા એક-બે દિવસ રાહતભર્યા હતા

By : એબીપી અસ્મિતા વેબ ટીમ | Updated at : 08 Jun 2024 01:00 PM (IST)

(તસવીર- એબીપી લાઇવ)

1/10

Weather News: ગરમીથી પરેશાન દિલ્હી-NCRના લોકોને આજે અને આવતીકાલે ગરમીથી રાહત મળશે, પરંતુ અહીં સોમવારથી ફરી ગરમીનો પારો વધી શકે છે. આ સિવાય ઉત્તર ભારતના મોટાભાગના રાજ્યોમાં બે દિવસ સુધી વરસાદની સંભાવના છે.

2/10

કાળઝાળ ગરમીથી પરેશાન દિલ્હી-એનસીઆરના લોકો માટે છેલ્લા એક-બે દિવસ રાહતભર્યા હતા. વાવાઝોડા અને પવનના કારણે લોકોને ગરમીથી રાહત મળી હતી, પરંતુ આ રાહત માત્ર આજ સુધી એટલે કે શનિવાર (8 જૂન 2024) સુધી જ છે.

3/10

હવામાન વિભાગ (IMD) અનુસાર, શનિવારે દિલ્હી-NCRમાં ધૂળની આંધી થવાની સંભાવના છે. આનાથી ગરમીમાંથી રાહત મળશે પરંતુ સોમવારથી ફરી એકવાર આકરી ગરમી શરૂ થશે. અઠવાડિયાનો પ્રથમ દિવસ ભેજ સાથે શરૂ થઈ શકે છે.

4/10

IMD અનુસાર, 10 જૂનથી દિલ્હી-NCRનું તાપમાન ફરી એકવાર વધશે. તાપમાન 45 ડિગ્રી સેલ્સિયસ અથવા તેથી વધુ સુધી પહોંચી શકે છે. આ સિવાય પહેલાની જેમ હીટવેવનો સમયગાળો પણ શરૂ થઈ શકે છે.

5/10

રાજસ્થાનના લોકોને ગરમીથી રાહત મળે તેવી શક્યતા છે. હવામાન વિભાગનું કહેવું છે કે શનિવારે બીકાનેર, જોધપુર અને આસપાસના વિસ્તારોમાં વીજળીના ચમકારા સાથે મધ્યમથી ભારે વરસાદની સંભાવના છે. પશ્ચિમ રાજસ્થાનમાં 9 જૂન સુધી કરા પડી શકે છે.

6/10

પશ્ચિમ મધ્યપ્રદેશની વાત કરીએ તો અહીં આજે અને આવતીકાલે ગરમીથી રાહત મળી શકે છે. હવામાનશાસ્ત્રીઓનો દાવો છે કે અહીં 8 થી 9 જૂન વચ્ચે કરા પડી શકે છે.

7/10

જમ્મુ-કાશ્મીર, લદ્દાખ, ઉત્તરાખંડ અને હિમાચલપ્રદેશના લોકો માટે પણ આજનો અને આવતીકાલનો દિવસ સારો રહેશે. અહીં પણ 8-9 જૂન વચ્ચે હળવાથી મધ્યમ વરસાદની શક્યતા છે. આજે પંજાબમાં પણ વરસાદ પડી શકે છે.

8/10

સ્કાયમેટ વેધર જણાવે છે કે, આગામી 24 કલાક દરમિયાન કર્ણાટક, કેરળના ભાગો, લક્ષદ્વીપ, કોંકણ અને ગોવા, મધ્ય મહારાષ્ટ્ર, મરાઠવાડા અને આંદામાન અને નિકોબાર ટાપુઓમાં છૂટાછવાયા સ્થળોએ હળવોથી મધ્યમ વરસાદ પડી શકે છે.

9/10

આ ઉપરાંત વિદર્ભ, સિક્કિમ, પૂર્વોત્તર ભારત, દક્ષિણ ગુજરાત, જમ્મુ કાશ્મીર, લદ્દાખ અને હિમાચલ પ્રદેશમાં પણ હળવોથી મધ્યમ વરસાદ પડી શકે છે. ઓડિશા અને દક્ષિણ ગુજરાતમાં પણ વરસાદની શક્યતા છે.

10/10