Pravesh Varma NetWorth: કેજરીવાલને હરાવનારા પ્રવેશ વર્મા કોણ છે ? જાણો કેટલી સંપત્તિના માલિક

Pravesh Varma NetWorth: કેજરીવાલને હરાવનારા પ્રવેશ વર્મા કોણ છે ? જાણો કેટલી સંપત્તિના માલિક

પ્રવેશ વર્મા

Delhi Election Results 2025 : નવી દિલ્હી વિધાનસભા ક્ષેત્રમાં આમ આદમીના નેતા અરવિંદ કેજરીવાલને મોટી હાર મળી છે. પ્રવેશ વર્માએ અરવિંદ કેજરીવાલને 3000થી વધુ મતોથી હરાવ્યા છે. પરંતુ શું તમે જાણો છો કે અરવિંદ કેજરીવાલને હરાવનાર પ્રવેશ વર્મા પાસે કેટલી સંપત્તિ છે?

ચૂંટણી એફિડેવિટ અનુસાર, પ્રવેશ વર્મા પાસે કુલ 95 કરોડ રૂપિયાની સંપત્તિ છે. તેમની કુલ જંગમ સંપત્તિ 77 કરોડ 89 લાખ રૂપિયા છે. જ્યારે તેમની પત્ની પાસે 17 કરોડ 53 લાખ રૂપિયાની જંગમ સંપત્તિ છે. પ્રવેશ વર્મા પાસે 11 કરોડ 25 લાખ રૂપિયાની સ્થાવર મિલકત પણ છે. તેમની પત્નીના નામે 6 કરોડ 91 લાખ રૂપિયાની સ્થાવર મિલકત છે.

નવી દિલ્હીથી ભાજપના ઉમેદવાર પ્રવેશ વર્મા પર પણ મોટું દેવું છે. પ્રવેશ વર્મા પર 62 કરોડ 60 લાખ રૂપિયાનું દેવું પણ છે. આ લોનમાં ભાઈ સિદ્ધાર્થ સિંહ પાસેથી લીધેલી 22 કરોડ 59 લાખ રૂપિયાની પર્સનલ લોન પણ સામેલ છે. તેમની પત્નીના નામે 11 કરોડ 45 લાખ રૂપિયાની લોન પણ છે.

ચૂંટણી એફિડેવિટમાં પ્રવેશ વર્માએ પોતાની આવકના સ્ત્રોત તરીકે બિઝનેસ અને સામાજિક સેવાનો ઉલ્લેખ કર્યો છે. તેમની પત્ની ખાનગી સેવા અને સમાજ સેવા કરે છે. વર્મા પાસે લગભગ 2.2 લાખ રૂપિયાની રોકડ રકમ છે અને તેમની પાસે ત્રણ કાર પણ છે. જેમાં ટોયોટા ફોર્ચ્યુનર, ટોયોટા ઈનોવા અને મહિન્દ્રા XUV પણ સામેલ છે.

વર્મા પરિવાર પાસે માત્ર 72 લાખ રૂપિયાનું સોનું છે. જેમાંથી પ્રવેશ વર્મા પાસે 8.25 લાખની કિંમતનું સોનું છે, જ્યારે તેમની પત્ની પાસે 45.75 લાખની કિંમતનું 1.11 કિલો સોનું છે. આ સિવાય તેમની બે દીકરીઓ પાસે 12.35 લાખની કિંમતનું 300 ગ્રામ સોનું અને તેમના પુત્ર પાસે 6.17 લાખની કિંમતનું 150 ગ્રામ સોનું છે.

દિલ્હી વિધાનસભા ચૂંટણીમાં અત્યાર સુધીના ટ્રેન્ડ મુજબ ભાજપ 47 સીટો પર આગળ છે અને AAP 23 સીટો પર જીતતી જોવા મળી રહી છે. જ્યારે કોંગ્રેસ અને અન્યને એક પણ બેઠક મળે તેમ લાગતું નથી.