Dubai Tour: IRCTC સસ્તામાં કરાવી શકે છે દુબઇની ટૂર, ખાવા-પીવાની સાથે મળશે કેટલીય સુવિધાઓ.......

જો તમે દુબઈની લક્ઝરી ટ્રિપનું પ્લાનિંગ કરી રહ્યાં છો, તો IRCTC તમારા માટે એક સસ્તું દુબઈ ટૂર પૅકેજ લઈને આવ્યું છે. અમે તમને આ સ્પેશ્યલ ટૂર પેકેજ વિશે જણાવી રહ્યા છીએ

તસવીર (સોશ્યલ મીડિયા પરથી)

IRCTC Dubai Tour: ઇન્ડિયન રેલવેનો સફર સૌથી સારો હોય છે અને મોટાભાગના લોકોને તેને સફર કરવો પણ ગમતો હોય છે, હવે ભારતીય રેલવે ખાસ ટૂર પેકેજ લઇને આવી છે. જો તમે દુબઈની લક્ઝરી ટ્રિપનું પ્લાનિંગ કરી રહ્યાં છો, તો IRCTC તમારા માટે એક સસ્તું દુબઈ ટૂર પૅકેજ લઈને આવ્યું છે. અમે તમને આ સ્પેશ્યલ ટૂર પેકેજ વિશે જણાવી રહ્યા છીએ, જેમાં તમને ખાવા-પીવાથી લઇને બીજી કેટલીય સુવિધાઓ મળી રહેશે.

IRCTC પ્રવાસીઓ માટે દુબઈનું અદભૂત અને સસ્તું ટૂર પેકેજ લઈને આવ્યું છે. આના દ્વારા તમને દુબઈની સાથે સાથે અબુધાબીની મુલાકાત લેવાની સારી તક મળી રહી છે. અમે તમને ચમકદાર દુબઈની વિગતો વિશે માહિતી આપી રહ્યા છીએ.

આ અદભૂત આંતરરાષ્ટ્રીય પેકેજમાં તમે 12 ડિસેમ્બર અને 25 ડિસેમ્બર, 2025 વચ્ચે દુબઈ અને અબુધાબીની મુલાકાત લઈ શકો છો. આ પેકેજમાં તમને દિલ્હીથી શારજાહની એર અરેબિયાની ટિકિટ મળશે.

આ આખું પેકેજ 6 દિવસ અને 5 રાત માટે છે. આ સાથે તમને પેકેજમાં 3 સ્ટાર હૉટલમાં રહેવાની તક મળી રહી છે. આ પેકેજમાં તમને હૉટેલ જુમેરાહ, એટલાન્ટિસ હૉટેલ, બુર્જ અલ અરબ, સ્પાઈસ સૉક વગેરે જેવી બીજી કેટલીય હૉટલની મુલાકાત લેવાની તક મળશે.

આ પેકેજમાં તમને દરેક જગ્યાએ જવા માટે એસી ડીલક્સ કૉચમાં મુસાફરી કરવાની તક મળશે. તમને વિશ્વ પ્રસિદ્ધ બુર્જ ખલીફાની યાત્રા કરવાનો મોકો પણ મળી રહ્યો છે.

આ પેકેજમાં તમારા વિઝા ખર્ચનો પણ સમાવેશ થાય છે. પેકેજ હેઠળ તમારે સિંગલ ઓક્યૂપન્સીના કિસ્સામાં 1,16,500 રૂપિયા, ડબલ ઓક્યૂપન્સીના કિસ્સામાં 97,800 રૂપિયા અને જો ત્રણ લોકો એક સાથે રૂમમાં રહે છે તો 95,400 રૂપિયા પ્રતિ વ્યક્તિ ચૂકવવા પડશે.

આ પેકેજમાં તમને હૉટલના રૂમમાં રહેવાની સાથે નાસ્તો, લંચ અને ડિનરની સુવિધા પણ મળશે.