Year Ender 2024: દેશે આ વર્ષે રાજકારણના 5 દિગ્ગજ નેતાઓ ગુમાવ્યા, જાણો તેમનું યોગદાન

Year Ender 2024: દેશે આ વર્ષે રાજકારણના 5 દિગ્ગજ નેતાઓ ગુમાવ્યા, જાણો તેમનું યોગદાન

સીતારામ યેચુરી અને બાબા સીદ્દીકી

Year Ender 2024: 2024 માં ભારતીય રાજકારણમાં ઘણા મોટા ફેરફારો જોવા મળ્યા, જેમાં લોકસભાની ચૂંટણીઓ અને રાજ્યની વિધાનસભાની ચૂંટણીઓ સામેલ છે. આ વર્ષે ઘણા પ્રભાવશાળી નેતાઓનું નિધન પણ થયું, જેમણે ભારતીય રાજકારણમાં મહત્વની ભૂમિકા ભજવી હતી. ચાલો જાણીએ આ વર્ષે નિધન થયેલાનેતાઓ વિશે...

બાબા સિદ્દીકી મહારાષ્ટ્ર કોંગ્રેસના ચાર વખત ધારાસભ્ય હતા અને બાદમાં NCP (નેશનલિસ્ટ કોંગ્રેસ પાર્ટી)માં જોડાયા હતા અને સામાજિક કાર્યો માટે પણ જાણીતા હતા. 12 ઓક્ટોબર 2024 ના રોજ મુંબઈમાં લોરેન્સ બિશ્નોઈ ગેંગ દ્વારા તેમની ગોળી મારીને હત્યા કરવામાં આવી હતી.

12 સપ્ટેમ્બર 2024ના રોજ, ભારતીય કમ્યુનિસ્ટ પાર્ટી (માર્કસવાદી)ના વરિષ્ઠ નેતા સીતારામ યેચુરીનું 72 વર્ષની વયે અવસાન થયું. તેઓ 2005 થી 2017 સુધી પશ્ચિમ બંગાળથી રાજ્યસભાના સભ્ય હતા, ભારતીય રાજકારણમાં સામ્યવાદી વિચારધારાને મજબૂત બનાવવામાં તેમનું યોગદાન મહત્વપૂર્ણ હતું.

સુશીલ કુમાર મોદી બિહારના ભૂતપૂર્વ નાયબ મુખ્ય પ્રધાન અને ભારતીય જનતા પાર્ટી (BJP)ના વરિષ્ઠ નેતા હતા. કેન્સરને કારણે 13 મે 2024ના રોજ તેમનું અવસાન થયું હતું. તેઓ 2005 થી 2013 અને ફરીથી 2017 થી 2020 સુધી બિહારના નાયબ મુખ્યમંત્રી રહ્યા. બિહારની રાજનીતિ અને વિકાસમાં તેમનું યોગદાન મહત્વનું હતું.

કોંગ્રેસના વરિષ્ઠ નેતા અને પૂર્વ વિદેશ મંત્રી નટવર સિંહનું 10 ઓગસ્ટ 2024ના રોજ અવસાન થયું. તેમણે 2004 થી 2005 સુધી યુપીએ સરકારમાં વિદેશ મંત્રી તરીકે સેવા આપી હતી. તેમણે 1953માં ભારતીય વિદેશ સેવાથી પોતાની કારકિર્દીની શરૂઆત કરી અને 1984માં સેવામાંથી નિવૃત્ત થઈને લોકસભાના સભ્ય બન્યા.

ભારત રાષ્ટ્ર સમિતિ (BRS)ના નેતા જિત બાલકૃષ્ણ રેડ્ડીનું 6 સપ્ટેમ્બર 2024ના રોજ અવસાન થયું. તેઓ 52 વર્ષના હતા. જિત બાલકૃષ્ણ રેડ્ડીએ તેમની રાજકીય કારકિર્દીની શરૂઆત તેલંગાણા રાજ્યની રચના માટેની ચળવળથી કરી હતી અને બાદમાં તેલંગાણા રાષ્ટ્ર સમિતિ (TRS) માં જોડાઈને રાજ્યના રાજકારણમાં અગ્રણી ભૂમિકા ભજવી હતી.