ચોમાસું વિદાય લઈ રહ્યું છે, એવું વિચારવાની ભૂલ ન કરશો! હજુ પણ આ રાજ્યોમાં આફત લઈને આવશે વરસાદ

Weather Updates: ભારતના મોટા ભાગને ભરપૂર વરસાદથી ભીંજવ્યા પછી દક્ષિણ પશ્ચિમ ચોમાસું પશ્ચિમ રાજસ્થાન અને કચ્છથી શરૂઆત કરીને હવે પોતાની વાપસીની યાત્રા પર નીકળી પડ્યું છે.

દેશના અનેક રાજ્યોમાં વરસાદ ભુક્કા બોલાવશે.

દેશભરમાં પાંચ ટકા વધારાનો વરસાદ લાવનાર દક્ષિણ પશ્ચિમ ચોમાસાની વાપસીની યાત્રા સોમવારે (23 સપ્ટેમ્બર) શરૂ થઈ, પરંતુ હવામાન કાર્યાલયે આગામી સપ્તાહમાં ઘણા વિસ્તારોમાં વ્યાપક વરસાદનો અંદાજ પણ વ્યક્ત કર્યો છે.

ભારત હવામાન વિજ્ઞાન વિભાગે જણાવ્યું, "દક્ષિણ પશ્ચિમ ચોમાસું 17 સપ્ટેમ્બરને બદલે 23 સપ્ટેમ્બરે પશ્ચિમ રાજસ્થાન અને કચ્છના કેટલાક ભાગોમાંથી પાછું ફર્યું છે. આગામી 24 કલાક દરમિયાન પશ્ચિમ રાજસ્થાનના કેટલાક વધુ ભાગો તેમજ પંજાબ, હરિયાણા અને ગુજરાતના આસપાસના વિસ્તારોમાંથી દક્ષિણ પશ્ચિમ ચોમાસાની વાપસી માટે પરિસ્થિતિઓ અનુકૂળ છે."