દેવેન્દ્ર ફડણવીસ જ બનશે મહારાષ્ટ્રના આગામી CM! ભાજપના 'ચાણક્ય'એ આપ્યો મોટો સંકેત

Maharashtra Election 2024: રેલીને સંબોધતા અમિત શાહે કહ્યું કે મહારાષ્ટ્રમાં ભાજપ શિવસેના એનસીપી ગઠબંધનની સરકાર બનવી જરૂરી છે. આ દરમિયાન તેમણે દેવેન્દ્ર ફડણવીસ અંગે પણ નિવેદન આપ્યું.

મહારાષ્ટ્ર વિધાનસભા ચૂંટણીને લઈને જ્યાં રાજકારણ જોરશોરથી ચાલી રહ્યું છે ત્યાં રાજ્યમાં મુખ્યમંત્રી બનવા અંગે મહાયુતિની અંદર અલગ અલગ રાજકીય અટકળો શરૂ થઈ ગઈ છે.

મહારાષ્ટ્રના સાંગલી જિલ્લાના શિરાલામાં એક ચૂંટણી સભાને સંબોધતા કેન્દ્રીય ગૃહમંત્રી અમિત શાહે આવા સંકેતો આપ્યા છે. મહારાષ્ટ્ર વિધાનસભા ચૂંટણીમાં સત્તાધારી ગઠબંધન ભાજપ, શિવસેના અને અજિત પવારની એનસીપી મહાયુતિ સાથે મળીને ચૂંટણી લડી રહી છે.

ગૃહમંત્રી અમિત શાહે શુક્રવારે (8 નવેમ્બર 2024) ચૂંટણી રેલીમાં કહ્યું કે સમગ્ર મહારાષ્ટ્રમાં લોકો ઈચ્છે છે કે વિધાનસભા ચૂંટણી પછી મહાયુતિ સરકાર સત્તામાં રહે અને નાયબ મુખ્યમંત્રી દેવેન્દ્ર ફડણવીસની જીત થાય.