આગામી 5 દિવસ સુધી આ રાજ્યોમાં વરસાદ ભુક્કા બોલાવશે, ચોમાસાને લઈ હવામાન વિભાગની લેટેસ્ટ આગાહી

Weather Forecast: દેશમાં ચોમાસાએ ઝડપથી આગળ વધવાનું શરૂ કર્યું છે. આવી સ્થિતિમાં હવામાન વિભાગે નવી આગાહી જાહેર કરી છે, જેમાં દેશના ઘણા રાજ્યોમાં આગામી 5 દિવસમાં ભારે વરસાદની સંભાવના છે.

IMD કહે છે કે દેશના ઘણા ભાગોમાં ગાજવીજ અને વીજળી પડશે અને 30 થી 50 કિમી પ્રતિ કલાકની ઝડપે જોરદાર પવન ફૂંકાવાની શક્યતા છે.

દેશમાં ચોમાસુ (Monsoon) ઝડપથી આગળ વધવા લાગ્યું છે. દરમિયાન, હવામાન વિભાગનું કહેવું છે કે દક્ષિણ પશ્ચિમ ચોમાસું મધ્ય અરબી સમુદ્ર, દક્ષિણ મહારાષ્ટ્ર, તેલંગાણા અને દક્ષિણ છત્તીસગઢ અને દક્ષિણ ઓડિશાના ભાગો તેમજ તટીય આંધ્ર પ્રદેશના કેટલાક વિસ્તારોમાં પહોંચી ગયું છે.

હવામાન વિભાગે આગાહી કરી છે કે આગામી 2 થી 3 દિવસમાં મધ્ય અરબી સમુદ્રના બાકીના ભાગો અને મુંબઈ અને તેલંગાણા સહિત મહારાષ્ટ્રના કેટલાક વધારાના વિસ્તારોમાં ચોમાસું આગળ વધવા માટે સ્થિતિ અનુકૂળ રહેશે.