Hindu Temple: UAEમાં BAPS મંદિરમાં ભક્તોનું ઘોડાપૂર, એક દિવસમાં 65 હજારથી વધુ લોકોએ કર્યા દર્શન

મુસ્લિમ દેશ યુએઇમાં પ્રથમ હિંદુ મંદિર BAPSમાં એક જ દિવસમાં 65 હજારથી વધુ ભક્તોએ દર્શન કર્યા હતા. 3 માર્ચના રોજ સવારે 40,000 અને સાંજે 25,000 એમ કુલ 65,000 થી વધુ ભક્તોએ મંદિરના દર્શન કર્યા હતા.

યુએઇમાં BAPS મંદિરમાં મોટી સંખ્યામાં ભક્તો ઉમટી પડ્યા હતા

મુસ્લિમ દેશ યુએઇમાં પ્રથમ હિંદુ મંદિર BAPSમાં એક જ દિવસમાં 65 હજારથી વધુ ભક્તોએ દર્શન કર્યા હતા. મળતી જાણકારી અનુસાર, 3 માર્ચના રોજ સવારે 40,000 અને સાંજે 25,000 એમ કુલ 65,000 થી વધુ ભક્તોએ મંદિરના દર્શન કર્યા હતા. આ ભવ્ય-દિવ્ય મંદિરને નિહાળીને મુલાકાતીઓએ અપૂર્વ શાંતિ અને ધન્યતાનો અનુભવ કર્યો હતો. નોંધનીય છે કે 14 ફેબ્રુઆરીના રોજ વસંત પંચમીના પવિત્ર દિવસે પરમ પૂજ્ય મહંત સ્વામી મહારાજ અને વડાપ્રધાન મોદીના હસ્તે મંદિરનુ ઉદ્ધાટન કરવામાં આવ્યું હતું.

કેન્દ્રિય મંત્રી પિયુષ ગોયલે પણ મંદિરમાં દર્શન કર્યા હતા. તેમણે લગભગ ત્રણ કલાક જેટલો સમય મંદિરમાં વિતાવ્યો હતો.