દુનિયાનો એકમાત્ર દેશ જ્યાં પતિ-પત્ની ઈચ્છે તો પણ છૂટાછેડા લઈ શકતા નથી, આમ કરવા બદલ સજા પણ થઈ શકે છે

ફિલિપાઈન્સમાં છૂટાછેડાને કાયદાકીય માન્યતા નથી, કેથોલિક ધર્મનો પ્રભાવ અને મુસ્લિમ કાયદાનો રસપ્રદ પાસું.

દુનિયાના મોટાભાગના દેશોમાં લગ્ન પછી છૂટાછેડા (ડિવોર્સ) એ એક કાયદાકીય પ્રક્રિયા છે જેના દ્વારા પતિ-પત્ની કાયદેસર રીતે અલગ થઈ શકે છે. પરંતુ દુનિયામાં એક એવો દેશ છે જ્યાં પતિ-પત્નીની ઈચ્છા હોવા છતાં પણ તેઓ કાયદેસર રીતે છૂટાછેડા લઈ શકતા નથી. આશ્ચર્યજનક રીતે, કેટલાક કિસ્સાઓમાં આમ કરવા બદલ તેમને સજા પણ થઈ શકે છે.

આ દેશ છે ફિલિપાઈન્સ. વેટિકન સિટી પછી, ફિલિપાઈન્સ દુનિયાનો એકમાત્ર એવો દેશ છે જ્યાં છૂટાછેડાને કાયદાકીય માન્યતા આપવામાં આવતી નથી. આનો અર્થ એ છે કે ભલે પતિ-પત્નીના સંબંધો ગમે તેટલા ખરાબ થઈ જાય અને તેઓ સાથે રહેવા માંગતા ન હોય, તેઓ કાયદેસર રીતે છૂટાછેડા લઈને સંપૂર્ણપણે અલગ થઈ શકતા નથી.

ફિલિપિનો માટે આ પ્રક્રિયા એટલી જટિલ છે કે તેઓ વિદેશમાં રહીને પણ છૂટાછેડા મેળવી શકતા નથી. ભલે તેઓ વિદેશમાં છૂટાછેડા લઈને અલગ થઈ જાય, પરંતુ ફિલિપાઈન્સમાં તેને કાયદેસર રીતે માન્યતા આપવામાં આવતી નથી.