IND vs SL: ભારતે શ્રીલંકાને જીતવા આપ્યો 138 રનનો ટાર્ગેટ, ગિલ-પરાગે દેખાડ્યો દમ

ભારતે શ્રીલંકા સામેની ત્રીજી T20 મેચમાં પ્રથમ રમતા 137 રન બનાવ્યા છે. ટીમ ઈન્ડિયાની શરૂઆત ખૂબ જ ખરાબ રહી હતી કારણ કે અડધી ટીમ 50 રનના આંકડા સુધી પહોંચતા પહેલા જ આઉટ થઈ ગઈ હતી.

ભારત તરફથી સૌથી વધુ રન શુભમન ગીલે બનાવ્યા હતા, જેમણે દબાણ હેઠળ 37 બોલમાં 39 રન બનાવ્યા હતા.

ત્રીજી T20 મેચમાં શ્રીલંકાએ ટોસ જીતીને ભારતને પ્રથમ બેટિંગ માટે આમંત્રણ આપ્યું હતું. ટીમ ઈન્ડિયાએ પ્રથમ વિકેટ યશસ્વી જયસ્વાલના રૂપમાં ગુમાવી હતી, જેણે માત્ર 10 રન બનાવ્યા હતા.

પરંતુ સૌથી વધુ નિરાશ સંજુ સેમસનને થયો હતો જે આ શ્રેણીમાં સતત બીજી વખત શૂન્યના સ્કોર પર આઉટ થયો હતો. રિંકુ સિંહના બેટિંગ ક્રમમાં ફેરફાર થયો હતો, પરંતુ તે પણ કંઈ ખાસ કરી શક્યો નહોતો અને માત્ર 1 રન જ બનાવી શક્યો હતો.