સચિન તેંદુલકરનો આ નવો ઓપનિંગ પાર્ટનર ટેણિયો છે ક્યા ક્રિકેટરનો પુત્ર?

સચિન તેંદુલકર

નવી દિલ્હીઃ ભારતમાં અત્યારે ટી20 ક્રિકેટની સિઝન શરૂ થઇ છે, એક બાજુ ટીમ ઇન્ડિયા ઇંગ્લેન્ડ સામે ટી20 સીરીઝ રમી રહી છે, તો બીજી બાજુ દુનિયાના દિગ્ગજ ક્રિકેટરો ફરી એકવાર રાયપુરના મેદાનમાં પોતાનો જલવો બતાવી રહ્યાં છે. ભારત રૉડ સેફ્ટી વર્લ્ડ સીરીઝનુ આયોજન થઇ રહ્યું છે, જેમાં ભારતીય દિગ્ગજો સહિત દુનિયાના અન્ય દિગ્ગજો ટી20 રમી રહ્યાં છે. શનિવારે ઇન્ડિયા લીજેન્ડ અને સાઉથ આફ્રિકા લીજેન્ડ વચ્ચે ટી20 મેચ રમાઇ આ મેચમાં ભારતીય લીજેન્ડે આફ્રિકન લીજેન્ડને 56 રનોથી હાર આપી હતી.

મેચ બાદ જ્યારે બન્ને દેશોના લીજેન્ડ ડ્રેસિંગ રૂમમા આવ્યા ત્યારે ઇરફાન પઠામનો દીકરો ઇમરાન ખાન પઠાણ ચર્ચાનો વિષય બન્યો હતો. ખરેખરમાં, ઇરફાન પઠાણે પોતાના ટ્વીટર પર કેટલીક તસવીરો શેર કરી છે, જેમાં ઇમરાન ખાન પઠાણ સચિન સાથે મસ્તી કરતો દેખાઇ રહ્યો છે.