એરટેલ, Vi અને Jioનું ટેન્શન વધ્યું! BSNL લાવ્યું 365 દિવસનો ધમાકેદાર પ્લાન, જાણો ફાયદા

BSNL: જો તમે BSNL ગ્રાહક છો, તો તમારા માટે ખુશખબર છે! BSNL એક એવો રિચાર્જ પ્લાન લઈને આવ્યું છે, જે તમને આખા વર્ષ માટે વારંવાર રિચાર્જ કરવાની ઝંઝટમાંથી મુક્તિ અપાવશે.

આ નવો પ્લાન તાજેતરમાં જ BSNLની પ્લાન લિસ્ટમાં ઉમેરવામાં આવ્યો છે અને ગ્રાહકો દ્વારા તેને સારો પ્રતિસાદ મળી રહ્યો છે. તાજેતરમાં જ BSNLએ 425 દિવસની વેલિડિટીવાળો પ્લાન પણ લોન્ચ કર્યો હતો, જેનાથી અન્ય ટેલિકોમ કંપનીઓની ચિંતા વધી ગઈ છે.

BSNLના આ પ્લાનની કિંમત ₹1999 છે અને તેની વેલિડિટી 365 દિવસની છે. જે ગ્રાહકો અવિરત ડેટા અને કોલિંગનો આનંદ માણવા માંગે છે તેમના માટે આ પ્લાન શ્રેષ્ઠ છે. આ પ્લાન હેઠળ ગ્રાહકને કુલ 600GB ડેટા અને દરરોજ 100 SMSની સુવિધા મળે છે.

આ પ્લાનની સૌથી મોટી ખાસિયત તેની લાંબી વેલિડિટી છે, જે ગ્રાહકોને વારંવાર રિચાર્જ કરવાની મુશ્કેલીમાંથી બચાવે છે. જે લોકો નિયમિત રીતે ઇન્ટરનેટનો ઉપયોગ કરે છે અથવા ઘણા કોલ કરે છે, તેમના માટે આ પ્લાન ખૂબ જ ઉપયોગી છે.