ખેડૂત નેતા વિઠ્ઠલભાઇનો પાર્થિવ દેહ પંચમહાભૂતમાં વિલીન, પુત્ર જયેશ રાદડિયાએ આપી મુખાગ્નિ
Background
જામકંડોરણા: પોરબંદરના પૂર્વ સાંસદ વિઠ્ઠલ રાદડિયાનું લાંબી બિમારી બાદ સોમવારે નિધન થયું હતું. તેમના પાર્થિવદેહને જામકંડોરણા ખાતે લાવવામાં આવ્યો હતો ત્યારે આજે સવારે 7થી બપોરે 12 વાગ્યા સુધી જામકંડોરણા લેઉવા પટેલ કુમાર કન્યા છાત્રાલય ખાતે અંતિમ દર્શનાર્થે રાખવામાં આવ્યો છે. ત્યાર બાદ બપોરે એક કલાકે અંતિમયાત્રા નીકળશે.
અંતિમ દર્શન માટે કેબિનેટ મંત્રીઓ, ધારાસભ્યો, સાંસદો સહિતના રાજકીય અગ્રણીઓ અને પાટીદાર સમાજના ટોચના આગેવાનો જોડાવવા લાગ્યા છે. ભાજપ અને કોંગ્રેસના નેતાઓ સહિત પાટીદાર આગેવાનો પણ અંતિમ દર્શન માટે આવી પહોંચ્યા હતાં.
વિઠ્ઠલ રાદડિયા વર્ષ 2014થી 2019 સુધી પોરબંદરના સાંસદ રહી ચુક્યા છે. વિઠ્ઠલ રાદડિયા છેલ્લે પોરબંદરમાંથી સાંસદ હતા. 2019ની લોકસભાની ચૂંટણીમાં બીમારીને કારણે ભાજપ તરફથી તેમના બદલે રમેશ ધડૂકને ટિકિટ આપવામાં આવી હતી.
વિઠ્ઠલભાઈને કેન્સર જેવી બીમારીને કારણે આજ વર્ષે અમેરિકા ટ્રીટમેન્ટ કરાવી હતી જ્યાં ઓપરેશન પણ કરાવ્યું હતું. મોઢામાં કેન્સર થયું હતું. છેલ્લા ઘણાં સમયથી તેમની ટ્રીટમેન્ટ ચાલતી હતી. વિઠ્ઠલ રાદડિયાનો 8 નવેમ્બર 1958માં જામકંડોરણામાં જન્મ થયો હતો.
ટોપ સ્ટોરી
ટ્રેન્ડિંગ સમાચાર
