રાજકોટઃ મહિલા તબિબને વ્હોટ્સએપમાં મોકલ્યા બિભત્સ મેસેજ અને વીડિયો, જાણો પછી શું થયું

31 ઓગસ્ટના રોજ રાત્રે સાડા દસેક વાગ્યે હું એકટીવા લઇને ઘરેથી સંબંધીના ઘરે જવા નીકળી ત્યારે કુવાડવા રોડ રણછોડદાસ બાપુના આશ્રમ પાસે મહેશ વ્યાસ બ્લુ રંગની ફોર્ડ કાર જીજે૨આર-૫૪૭૭ લઇને આવેલ અને મારા વાહન આડે કાર નાંખી નિચે ઉતરી મારો હાથ પકડી ગાળો દેવા લાગેલ અને કેસ પાછા ખેંચી લેવાની ધમકી આપવા માંડ્યો હતો અને નિર્લજ્જ હુમલો કર્યો હતો.

તે મારા વ્હોટ્સએપમાં પણ બિભત્સ મેસેજ અને વિડીયો કલીપ મોકલે છે. હું જ્યાં જાઉ ત્યાં પીછો કરે છે. ૫/૧૦/૧૬ના રોજ મહેશભાઇ અને તેના મળતીયા વિરૂધ્ધ મેં બી-ડિવીઝનમાં આઇપીસી ૩૫૪ (એ) મુજબની છેડતીની ફરિયાદ કરી હતી. આ કારણે મહેશભાઇએ વધુ ત્રાસ આપવાનું શરૂ કર્યુ હતું. કોર્ટ કમ્પાઉન્ડમાં પણ અન્ય સાક્ષીઓને ડરાવી ધમકાવી પોતાની તરફ જુબાની આપવા કહે છે. તેમજ મારા વિરૂધ્ધ જેટલા કેસ છે તે પાછા ખેંચી લેજે નહિતર તને બદનામ કરી દઇશ તેવી ધમકીઓ આપે છે.