કરિયરની પ્રથમ અને અંતિમ ટેસ્ટમાં સદી ફટકારી અનોખી ક્લબમાં સામેલ થયો કૂક, ભારતનો પણ એક ખેલાડી છે લિસ્ટમાં, જાણો વિગત

ક્રિકેટ ઈતિહાસમાં ડેબ્યૂ અને અંતિમ ટેસ્ટમાં સદી ફટકારવાની સૌપ્રથમ સિદ્ધિ ઓસ્ટ્રેલિયાના રેગી ડફે મેળવી હતી. તેણે 1901-02માં પ્રથમ ટેસ્ટમાં 32 અને બીજી ઈનિંગમાં 104 રનની ઇનિંગ રમી હતી. જ્યારે અંતિમ ટેસ્ટ 1905માં રમ્યા હતા. જેમાં 146 રન બનાવ્યા હતા. 22 ટેસ્ટમાં તેમણે 1317 રન બનાવ્યા હતા.

ભારતના અઝહરુદ્દીને આવી સિદ્ધી મેળવ્યા બાદ ટેસ્ટ ક્રિકેટમાં આવી ઘટના બનવા માટે 18 વર્ષનો સમય પસાર થઈ ગયો હતો. એલિસ્ટર કૂકે માર્ચ, 2006માં ભારત સામે ડેબ્યૂ ટેસ્ટમાં પ્રથમ ઈનિંગમાં 60 અને બીજી ઈનિંગમાં અણનમ 104 રન બનાવ્યા હતા. જ્યારે સપ્ટેમ્બર, 2018માં ભારત સામે અંતિમ ટેસ્ટમાં પ્રથમ ઈનિંગમાં 71 અને બીજી ઈનિંગમાં 147 રન બનાવ્યા હતા.