એશિયા કપઃ ક્રિકેટના મેદાન પર એક વર્ષ બાદ મલિંગાની ધમાકેદાર વાપસી, બનાવ્યો આ ખાસ રેકોર્ડ, જાણો વિગત

બીજા સ્પેલમાં મલિંગાએ પ્રથમ વન ડે અડધી સદી ફટકારનાર મોહમ્મદ મિથુન (63)ને કુસલ પરેરાના હાથે કેચ આઉટ કરાવી નવો રેકોર્ડ બનાવ્યો હતો. જે બાદ તે પછીની ઓવરમાં કુસલ પરેરાને પેવેલિયન મોકલીને બાંગ્લાદેશના મોટા સ્કોર કરવાની આશા પર પાણી ફેરવી દીધું હતું.

વન ડે ક્રિકેટમાં ત્રણ વખત હેટ્રિક લેનારા મલિંગાએ એશિયા કપ 2018ની પ્રથમ મેચની પ્રથમ ઓવરમાં જ બાંગ્લાદેશને બે ઝટકા આપ્યા હતા. પાંચમા બોલ પર લિંટન દાસને સ્લિપમાં કેચ આઉટ કરાવ્યો તો છેલ્લા બોલ સ્ટાર ઓલરાઉન્ડર શાકિબ અલ હસનને સ્વિંગ બોલમાં બોલ્ડ કર્યો. જે બાદ પૂર્વ કેપ્ટન મુશફિકુર રહીમે તેને હેટ્રિકથી રોકી લીધઓ પરંતુ તેની સામે બાંગ્લાદેશના બેટ્સમેનો સરળતાથી રન બનાવી શકતા નહોતા.